تركيااااااااا يابنات

انا بقولج عن تركيا بما اني سرتلها وبسير السنه انشالله واهلي من 17سنه يسيرونها
وانا بقولج هيه فيها اماكن حلووووووووووه وفيها اماكن جديمه شويه بس بصراحه انا ما اعرف عدل للفنادق لأن نسكن في شقه واهلنا من هناك يجهزولنا السياره إلي تيبنا من المطار
واذا بغيتي منطقه فيها وايد ناس وعرب وهذي المنطقه وايد ربشه هيه اسمها كوكشدره تابعه لمنطقة يلوا ويلوا هيه منطقه فيها اسواق وتحسينها مدينه اكثر من كوكشدره (يمكن اسم كوكشدره غلط بس قوليلهم ابغي المنطقة إلى تابعه ليلوا وفيها الماي الحار>>> العين الحاره

والصراحه انا احب هالمنطقه وايد وارتاح فيها هيه صح ما فيها مراكز وايد بس تحسين كل العرب حبوبين واهل المنطقه وفيها محلات واسواق وفيها سوق يكون مره في الأسبوع ويكون يايبن بضاعه من كل مكان ويبعونها وبعد مطاعم ومخابز وفي مكان للماي الحار واحواض للحريم ووحمامات بعد بس بماي الحار وانتي الغاليه بغيتي تسيرين مري على هالمنطقه صدق بتعيبج وفي كل انواع الفواكه وحلو لو تيلسين فيها اسبوع واحلى لو كان حد معاج وهناك العرب ما يقصروون ماشالله يتعرفون ويتعازمووون

والغاليه اذا بغيتي شي انا في الخدمه

وهذا إيميلي sad_madbad
بس راسليني بالإيميلات لاني نادر ما ادخل

والسموحه