بسم الله الرحمن الرحيم
السلام عليكم ورحمه الله وبركاته
ازيكم اخواتى في الله
بقالي كتير منزلتش مواضيع نظرا لظروفي الصحيه وحملى وانا بعتذر
ليكم عن تاخير مواضيعى اللى طلبتوها
الموضوع ده كان المفروض ينزل من فتره كبيره وكتير بعتولى علي الخاص والعام انى انزل الطريقه اللى بلزق بيها المشمع علي جدران المطبخ اللي نزلته في موضوعى ده
http://forum.hawaaworld.com/showthread.php?t=3430979
ودى الطريقه بالتفصيل والصور وعلي فكره الصور دى من ست شهور اما الصور النهائيه حديثه لسه مصوراها النهارده علشان اللى بيسالوا بيعيش ولا لا وعلشان وموضوع حراره البوتجاز وزى ما هتشوفوا الصور هتلاقوه زى الجديد بالضبط
خليكم مع الصور
اول حاجه دا المشمع وبيجى بالمتر المتر عرضه متر ونص وبيبقي علي هيئه رولات طويله سعره 3 ج او 5 او 7 ده ابو 3 لانى مش محتاجه التقل في حاجه وكدا كدا بغيره كل فتره وعلي فكره ده نفس المشمع اللى بقصه وبفرشه في الثلاجه
هنا تنيته اتنين يعنى عرض الواحد 75 سم علشان انا عايزاه في الجزء اللى وسط قطعتين المطبخ ممكن تعمليه كله وينزل معاكى للارض براحتك
ده اللزق اللى استخدمته بيجى من عند محل البويات الكيس ب5ج بيكفي كتير جدا قوليله عايزه لزق ورق الحائط
هتاخدى منه حبه بسيط لانه بيزيد وتعجنيه بماء دافئ بيبقي زى المهلبيه
هنا استخدمت فرشاه ودهنت بيه الجزء اللي هغطيه علي فكره دى ايد جوزى حبيبي كان بيساعدنى ربنا يخليهولى ويشفيه
والبقع اللى علي الحيطه دى مكان الورق القديم هو مبيسبش اثر بس انا المطبخ عندى كان دهانه مطفي علشان كدا بقع من اللزق لكن البلاستيك العادى مبيبقعش
دا شكله النهائي
وهنا استغليت الجزء ده وعملت السلات دى بحط فيها البصل والبطاطس والبرتقال علشان معنديش مكان للتربو وملقتش سلات فوشيا ان شاء الله هبقي اغلفها بخيش فوشيا وازينها وكمان عملت حامل للفويل وبلاستيك التغليف علشان اسهل استخدامهم وكمان مكنش ليهم مكان
في النهايه اتمنى موضوعي يعجبكم وتستفيدوا منه وانتظر دعوه بظهر الغيب بشفاء زوجى وتسهيل ولادتى وان يرزقنى الله بولد سليم صالح
والسلام عليكم ورحمه الله وبركاته
وانتظرونى مع الموضوع اللى كتير طلبوه كيف تحصلين علي دولاب منظم بالشهووووووووووور
الله يحفظك من كل عين