انا زرت تركيا من سنتين اختي نصيحه لا تروحين غير يلوا او فلوا مثل ما ينطقونها روعه بمعنى الكلمه وهي منطقه سياحيه درجه اولى يعني انسي التسوق فيها مب شي بس طبيعه ومثل ما قالت الاخت كان الله خص الجمال عندهم فعلا انا كنت عيني على زوجي وبنفس الوقت انا كنت مبققه عيوني فيهن جمال مو طبيعي ادري هذا الشي ما يخصه بالسياحه بس هي معلومه المهم احنا سكنا في شقه
على شارع اسمه شارع العرب في يلوا مره رهيب فيه سوق بس مب مركز لا هو سوق عادي يعني شعبي او مثل المعرض عندنا بالنسبه لجوهم صراحه غريب رغم ان الحراره مرتفعه بس ما تشوفين الشمس دائما مغيم وبارد وشعبهم طيب بس مصلحجي اكثر والعصبيه تغلب عليهم يعني شعب عصبي جدا وشوه بعد ايوه رحنا اسطنبول 3 ايام عاديه ومراكزها حليوه وتقريبا نفس اسعارنا وصح معضمهم يتعاملون بالدولار لانه عملتهم كثيره اقصد بالالاف

شوفي اختي انا رحت لها

من سنتين

وهي حلوه
وطرازها قديم
مافيها ترفيه ولا تسوق
بس جوها حلو
وطبيعتها حلوه
واسعارها زينا يعني مو رخيصه ولا غاليه

وراح انزل لك احلى شئ فيها
كنت كاتبته لوحده من صاحباتي بتروح
لتركيا

ان شاء الله الليل انزله

up

اهلين اختي ..
انا بصراحه رحت لها قبل 8 سنين وكانت راااااااااااااائعه ,,
وأذكر كنا نمر على مناطق يبنون فيها مجمعات تجاريه ...
وبصراحه سوقهم حلو صحيح انه على قولة الاخت كله بنطلونات وبيدهات ,, يعني مافيه اشياء جديده ومبتكره
بس انا بالنسبه لي مو دايم القصد من السفر السوق الحمدلله ديرتنا ودول الخليج فيها من السوق مايكفي ويغنينا ...
بس كانت رائعه المتاحف والقصور كنا ندور بالساعات بالقصر الواحد وشفنا القصر اللي سكنه من فخامته رئيس دولتهم السابق اتاتورك ...
تخيلي هو من ايان العثمانيين ومع هذا محتفظ على قوته وجماله ...
روعه بصراحه تشدك من تدخلينن الى ان تطلعين ...
سكنا فب منطقة ترابيا بفندق على البحر مباشره
اسعارها مثلنا
بس اللي يضحكني عملتهم ارقامها وااااااااجد
يعني تخيلي لما اروح لبرجر كنج الوجبه عندهم سعرها 18 مليون خخخخخخخخخخخ
طبعا كنا نحاسب بالدولار اصرف لنا
بس المطاعم رائعه والمناظر والخشار بس اسكنوا بتركيا الاوروبيه لانها احسن من تركيا الاسيويه واكثر تطور وحضاره
ونصيحه لما تروحون خذوا لكم سواق تركي
انا اذكر تعاقدنا مع سواق تركي بس امه كانت سوريه وفاااااااااااهم واهم شيء يعرف عربي لانهم مايعرفون انجليزي كثير
وروحي للاسواق الشعبيه بتشوفين العجب واسعارهم حلوه ,,,
انا بصراحه حبيتها وانا رايحه من 8 سنين واتوقع لو ارجع لها الحين بأعجب فيها اكثر لانها اكيد تطورت ...
رحله موفقه وسعيده اتمناها لك
:)

انا رحتها من اسنين بس هي صراحه حلوووه مررره

طبعا مااذكر الاماكن الي رحناها لانا يمكن من عشر سنين تقريبا.. ان شاء الله البنات يفيدونك