طبعاً كأي عزوبي ملحط منتف يبي يستقل و يسهر لحد الفجر و ما وراههوش حد ... و أبتغى للمتعة و الهروب من قم ود النوري و قم رح أشتر خبز " فيس ملعوب عليه "
و من الطفاقة و العجلّة طحت لي بشباب و أنا مغمض ما فتحت إلا يوم فات الفوت و دفعت قطية الاستراحة " فيس يشاهق و يصيح " و هذا و اللهِ مش ذنبي أو يدل أن نظرتي مش ثاقبة, بل على العكس جور أهلي و كثرة مشاويرهم خلتني أطيح و أنا محدش سمَ عليا ...
رمتني جور الأيام و متطلبات الأهل في حضن ستة مِن منْ خفت عقولهم و ثقلت أوزانهم و لا ينطبق عليهم إلا القول المأثور أو مثل ما يقولون شعب الله المختار أهل القصيم شعب يخيل للجالس معاهم بأنهم من أخواننا السودان , أو بأن مرضعتهم لم تكن إلا سودانية , يعني بالمصري كده شعب عقاااااز أووووي و أنا واحد حمش و نظيف و مالي خلق الحوسة ]نظيف مدري عنها لكن مالي خلق الحوسه صدق
[... صرت من أدخل الاستراحة و أنا أمشي على رماد بقايا الشيشة , و حكاية يا شباب و يا اللي بيشيش ويرمد يشيل اللي بعده هذي عبارة أكثر شيء تسمع بس ما تتطبق " الله يعظم أجرك يا ميمتي لا قلتي لا تنقم " أي لا تقشم حب " و بالأخير أنا اللي أنظف " فيس حزززززززززين أوي "جت قطية الاشتراكات و قطيت بالرغم من أن غير متابع كرويًا , ناديت يوم أجتمع الجمع على اشتراك نتي , فأبوا و اعتصموا بقولهم أعوذ بالله نت " فيس طايرتن بوهته "
أشتركت بعد أن دفعت الرسوم و زبطت كل شيء و مع أول أنبطاحه قدام جهازي المحمول إلا و كبيرهم الذي علمهم السحر فوق رأسي تكفى أولااااه الدبي ابي أدخل موقع العالمي بشوف تصريح الهريفي , و الآخر منهم هاه يا الدب لا خلصت لا تسكر الجهاز بشوف جديد السيارات و أنا كأي واحد مدمغ أو آخر المحترمين دالقن الخشة ولا إعلان جبن البقرة الضاحكة ... من بعدها وجهازي من يد ليد و من شخص لشخص و الباسوررد كلهم يعرفونه و أنا ما علمت إلا واحد ... الدنيا صارت بااااااااااايزه يا قدعان ... حتى أتى اليوم الموعود و بعد أن احتفلت بشهر جهازي التوشيبا الأول خرجت لمحفل عائلي و ما أن عدت لأحضان استراحتي فوجئت بأن جهازي الحاسوب يرقد في أمان غير العادة . شغلت الجهاز ...... الفاجعة جهازي و بقدرة قادر أعور أحد الملاعين الستة دهس برجلة الغليظة التي لا تشبه سوى أحد أفيال الهند ,و كالعادة سجلت القضية ضد مجهول أكثرت اللعن تلك الليلة و حرمت عليهم الجهاز , فأصبحت من بعدها الاستراحة مقهى و الزوار و أهلها بأجهزتهم دون رسوم شهرية , يقال لكل قضية قشة و القشة التي قسمت ظهري هي مطالبتنا أو مطالبتي زرع الثيل و إقامة خيمة فكان التأجيل منهم و الخيبة علي ... مرة كنت منغنش و حايمه تسبدي من الاستراحة قلت لهم بعدل و أرمم و أنتم آخر الشهر سددوا ... كانت فكرة مخرج لهم و قبر لي ... عدلوا و بدلوا و أختاروا و أزادوا و أنا أدفع و آخر الشهر اللي بعده .. و هكزا كشخه م مال غيرهم جلست ثلاث شهور ما أدفع أجار ( بحلل حق الخيمة )
ومن بعدها قررت الرحيل عنهم ولكن إلى أين ! (متعوب عليها إلى أين) وبعد تفكير عميق تذكرت أن ماي فاذر عنده غرفه مهجورة بأخر المزرعة وكان كثير يكلمني انتقل لها بدل هالأيجار
باليوم الأول أخذت زيارة لها لكن كانت تبي شغل كثير بما أنها مهجورة أكثر من 10 سنوات, جلست ثلاث أيام دوام بيت بس يعني صرت بيتوتي حتى حسيت أن أهلي بلشو بي مو متعودين اقعد بالبيت خخخخخخ كلمت واحد من الأقارب كان معي بالاستراحة ألأوله وكلمته بأننا ننتقل للغرفة المهجورة , طبعا تحمس بالأول لكن بعد ما شاف الغرفة جاهـ إحباط عظيم وأحبط بي بعد لكن كنت أهون على نفسي وعليه بأنه ما تبي شي كلها أسبوع وخالصين
وهذي صور للأستراحه لما دخلناها
طبعا كان باب الغرفة على المزرعة
وكنت ناوي أغير لون الجدران ونركب مجلس عربي من ابو 700 بتاع الحراج ونجلس فيها ..
قلت بنفسي الأرض ملك و لك وللزمن اتعب الحين وارتاح بالأخر أحسن قلت لصاحبنا هاللي واقف بالصورة اللي يشوفه يقول يبي يقيم الغرفة ما أبي منك إلا انك تكون مشرف على العمال بما أني عندي دوام وأنت عاطل باطل .. كان باقي على عيد الأضحى أسبوع ( العيد اللي راح )
بديت بالشغل بعد العيد ممكن بأسبوع
طبعا أول شي بديت فيه فتحت باب غير الأول بما انه كان يدخل للمزرعة بعد ما فتحت الباب سويت سور كامل للاستراحة بمساحة 500 مترمربع تقريبا ( شين بلاش لاتخلي به شي
) 
بما ان الغرفة كبيرهـ تقريبا 10 * 6
خليت نصفها مرفوع تقريبا 10 سم على شكل نص قوس
بعدها اشتريت سراميك لون بني فاتح على بيج >>
طبعاُ لحد يسألني عن المرتفع اللي بالزاوية يسار لاني كنت مخطط على شي وهونت بعدين خخ
اما اللي تحت بالصورهـ يسار هذا كان مكان باب الغرفه المطل للمزرعه خليت مكانه بوفيه او بار او مطبخ امريكي كل يوم طالع له اسم ..
يتبع
يعني على باب الله
حصلتين هالمزيونتين واعجبوني لاكن اسعارهم فوووق
من نوع البورسلان كنت ابي اخليهم مثل الشطرنج
لاكن سعر الابيض اللي تحت غالي
سعر الوحدة بـ 220 مو بالمتر
طبعا اللي خلاني اجزم عليهم بما ان السعر غالي مرهـ انه راح يكون واجهة المجلس
كان سعر البورسلان الاسود بـ 90 ريال تقريبا
حصلت من الاسود لون ابيض لاكن غيرت فكرة الشطرنج
اخذت حبتين من اللي سعرهـ 220
والباقي اسود وابيض
كذا كانت الفكره تكون اما الجدار الخلفي راح يكون هو مثل الشطرنج ادري بتقولون وش فايدة اللي بالوسط ليه ماكانت مثل اللي بالجوانب ووفرت على نفسك راح اقولكم والله اني مدري بس اعجبتني كذا
وهنا خلصنا الجدار القصير البورسلان اللي اخذت منه نفرتين بس خليت وحده اللي على شكل معين والثانيه خليته يقصها ويخليها فاصل بين الاسود والابيض طبعا بالأول رفض يقول البورسلان ينكسر بالقص قلت قصه ولايكثر ااذا سمحت
يتبع