تسلمون كل الي رديتوا انا فصلت مطبخي احمر وابيض مودرن وش احط لون القيشاني ابيه يكون مودرن وكشخه

شفته في بيوت مودرن امس وانا اشوف فلل للبيع دخلته راح اقولك وش المودرن
الكيشاني لون ابيض والسراميك المطبخ لونه رمادي فاتح والمطبخ البيوت الحين صغير جداً
الابواب لون عسلي مثل الخشب بصراحه فخامه والا الان ماشاء الله ماشي معي مثل الحلاوه
امم الاسقف الي شفتها جبس احسها بسيط مب مبالغ فيه
السراميك اشوف الفواتح مثل الابيض والعسلي ولامع
انا الي عندي ابيض رمادي فاتح ولامع جداً فخامه بس يتعب بالتنظيف
الشباك مساحه كبيره اشوفها اغلب بيوت الجديده تعطي طابع غربي وبدون حديد
ابواب الحمام اذا غرفتك زجاج وحده لدوره المياه ووحده للاستحمام
والله لو اعرف انزل صور كنت نزلتها لك للبيوت الي صورتها
بس تحميل عن طريق ايباد مااعرفها

انا من راييي تاخذين قيشاني لون محايد عشان لوغيرتي الدرج بالمستقبل ماتكلفين
فيه اشكال روعه قيشاني مطابخ روحي واختاري ممكن. تختارين لون سكري يمشي مع كل ششي
ابدي بدورات المياه والمطبخ والباقي ع شوي شوي والله يسهلك

منزل مبارك ان شاء الله وتعمرونه بذكر الله وطاعته ... مادامه بيت ملك شوي شوي لا تستعجلي عليه وتضطري تاخذي رخيص عشان الميزانيه مضغوطه ... اهم شي الجدران والارضيات من باب البيت الى الحمامات وغرف النوم اهتمي بالسيراميك والاصباغ والمطبخ ... الحمامات اذا كفت الميزانيه غيريها مع السيراميك واذا ماكفت خليها لحالها بعدين اهم شي اذا تحتاج سباكه وتغيير البزابيز والسخانات الجبس خليه بعدين لانه مو شي ضروري ..صحيح وجوده يعطي البيت فخامه وجمال لكن تقدري تصبري بدونه فتره الين تجمعي مبلغ يكفي .. السيراميك خليهم يصمغونه على الموجود لا يكسرونه بيكلف عليكم اكثر والمطبخ لا تغطي كل الجدران بالقيشاني بس الي بين الدواليب والي عند الحوض باقي الجدران ادهنيها بالصبغ الزيتي لسهولة التنظيف واوفر للميزانيه والابواب خليها اما بني غامق محروق او عسلي على حسب اذا كان البيت كبير وواسع خليها غامقه واذا ضيق وصغير خليها عسلي عشان لاتكتم البيت اكثر والجدران خليها لون واحد وفاتح يمشي مع كل انواع الاثاث انتي روحي لمحل الاصباغ والرجال راح يوجهكم للي يناسبكم من ناحية الميزانيه ومن ناحية الالوان
موفقه

الباب الواحد 1300 اتوقع
بوية الجزيرة الصغيرة ممكن 400ريال
السيراميك خذي اصلي
اعملي البيت مورن
جبس خفيف ذوق
تكفيك ان شاء الله بالراحة