ترميم و تضييق المهبل .....الليزر وصل / قديم

السلام عليكم


Laser Vaginal Rejuvenation

قبل فترة وحده كانت كاتبه موضوع وحطيت في موضوعها سؤال عن مين يعرف طبيبة تسوي ترميم و تضييق المهبل و تكون كويسه
سلفاتي كلهم يجيبون دكتورات سودانيات بالبيت
وانا صراحة أخاف من شغله البيت من ناحيه و من شغله انهم سودانيات ومعروف انهم الله يصلحهم ينصحون بزيادة

وكنت اقرأ بنفس الوقت بالمواقع الاجنبية و مره مقهورة
كل مواقعهم انه يصير الترميم الداخلي عن طريق الليزر

و قبل يمكن شهر جتني رسالة من مستوصف جنبنا (كويس ما عليه) عن وصول استشارية و خبيرة بجهاز LVR
لتجميل و اعادة شباب المناطق الحميمة
الصدق مدري انا وقتها ليه ما قريتها او ما قريتها بدقة و طنشتها

عموما حصل معي نزيف من فترة من اللولب و قالت الدكتورة (مستشفي حكومي ) لازم اشيله و تنظيف و اسوي مرة وحدة رفع للمثانه لان عندي هبوط فيها

طنشتها و بس شلت اللولب
لمن رحنا إجازة الحج بالشرقية جاني نزيف و رحت المستشفى طواري وقال لازم تتسوى العمليه

الطبيب سوى لي 3 عمليات
تنظيف رحم
رفع للمثانة
و عملية للمهبل

طبعا باستشارتي و استئذان زوجي

و سويتهم و الله ياجرني


امس جتني نفس الرسالة الي قلت لكم بالبداية ولاني بصفة عامه اتبطح من الالم
بحثت و اكتشفت انه جهاز ترميم المهبل بالليزر هو الي أسمة
LVR
وهي اختصار كلمات
ليزر
مهبل
تجميل( اعادة تأهيل )

Laser Vaginal Rejuvenation

سبحان الله
كان ودي بالليزر و الليزر جاتني رسالته الين حدي و ما انتبهت لها
والآن بعد العملية شفتها


حبيت أفيدكم
اذا مستوصف وصل عنده الجهاز فمن باب اولى المستشفيات و الطبيبات المعروفات وصلهم

ادعوا لي ربي يقومني بالسلامة ولا يوريني و لا يوريكم مكروه