ترنجا ترانيجا سرواجيك شوفوا الزوجه كيف فهمت على زوجها >>للكبار فقط/ تم الرد + قديم

السلام عليكم ورحمة الله وبركاته


لا إله إلا الله ذكر الله يطهر القلوب ويطمئنها


كيف يناديك زوجك اذا بغاك ؟؟


يعني وش هي لهجتكم مع بعض ؟؟؟

انا ما اسأل لقافه لكن حبيت اقولكم قصه حلووه


مره جاء رجال عند الباب وقال اخوي الصغير لابوي فيه رجال يبيك قال ابوي سرواجيك... محد فهم عليه !!


ولمن رجع سألته امي عنها وش معناتها سكت وبعدين علمهم امي وش معناها ...

طبعا ابوي عرف القصة من زمان بالأدب العربي لمن كان يدرس بالكلية من زمااان

وانا قريتها بالجامعه باحد الكتب اللي في منهجنا بس مادققت فيها ويمكن مرت عليه مرور الكرام المهم >>يكفي بربره


القصة في العصر العربي القديم يمكن الجاهلي :
رجل كان يحب ابنة عمه حبا شديدا لدرجة الحب الحقيقي وما يحب يفارقها ابد تزوج واهلهاواهله ماكانوا موافقين ومادروا عنهم الا بعد الزواج

الرجال يقابل حرمته لمن تزوجها طول الليل والنهار وشايلها من الأرض هذا دليل انها مايبي فراقها (ماشاء الله) تراهم شبعوا مووت

المهم جابوا عيال وساكنين في (مأوى صغيرر) وعيالهم 24 ساعه مقابلينهم وكلما بغاها تجي يجون عيالها

يافلانه تعالي ابيك يروحون هم بدالها .. !!!
فلانه بالليل لاتنومين ابيك بسالفه العيال يسوون نفسهم نايمين عشان يعرفون وش السالفه :44:

ومره جو اهله واهلها (القوم) وعياله بعد موجودين ,,, قال الرجال لحرمته : ترنجا ترانيجا (ترنجن) بالتنوين ..

ردت عليه : سرواجيك

ومعناها : ترنجا ترانيجا يعني (انتظري عند شجرة الترنج تراني جاي ) و سرواجيك ردت عليه يعني : ( رح وابجيك يعني بلحقك )

وفعلا هالمره نجحت اللهجة والخطه وفهموا على بعص ومحد فهمها غيرها وياه وطيحوا اللي بروسهم :35:

وماشاء الله باين عليهم فطنين وبسرعه لقطتها الحرمه ...ماقالت هاه ,وشو , وش تقول ,

للفائدة :

العرب عندهم لهجات كثيره في اللغة العربية الفصحى الكلمات فصيحة ولكن يوجد في بعض الاقوام الفاظ مزوده بلهجة هؤلاء القوم

وسبحان الله كانوا يفهمون على بعضهم ويدل على فطنتهم وذكاءهم ..


*****

وبنفس السالفه مره صديقتي تقول لي بنفسها :

ساكنه مع اهل زوجها ولازم تتغدى وتعشى وتتقهوى قهوة المغرب و شاي السهره معهم هم هذي قوانينهم بس طيبين معها ,,,

وبالغداء زوجها يقولها قبل يروح الدوام لاتتغدين معهم ابجي واكل انا وياك تقول طيب واذا دقوا عليها لباب او نزلت تساعدهم تحس انها صعبه تطلع فوق وتخليهم واحيانا ماتقدر تطنش

ولمن قالت لهم ا زوجها هو اللي يقول انتظريني ماصدقوها قالوا (عذر) عشان م تاكل معنا ماتبينا!!!

ولمن قالهم ولدهم انا ابيها تتغدى معي كل يوم قالوا : ايه تتعذر لها عشان هي ماتبي تاكل معنا..:44:

ومره كانت تتقهوى هي وخالتها ام زوجها والبنات رايحين السوق مافيه الا الأم والبنت الكبيرة المتزوجه توها جايتهم

زوجها اتصل على جوالها لقاه عنده وهي تحت , ونزل وناداها قالت تعال مافيه الا الوالده (امه) واخته وهو توهق وجلس وطولوا بالسوالف وهو عنده دوام بعد ساعه وبيرابط يوم كامل :35: ويبي يخلص عشان يروح خخخخخ البنت مافكرت انه يبي شي منها وهي تسولف مع امه ومتحمسه ويغم لها وتأشر له اصبر اصبر

امه حست ان الولد يناظر في حرمته تقول بعدين قالت الأم: مارحت للدوام قال لا ؟؟ قالت الحين انت تقول الساعه 7 ونصف وراك مارحت ؟؟؟

قال أنا عجزززت اغمز وأشر لفلانه ابيها ترقى معي بس هي مستحيه منك وماقامت

امه قالت الله يقلع بليسك قومي قومي ارقي معه :hahaha: بس تقول انا من الفشيله ماعرفت وش اسوي جلست ماعاد قامت الا لمن مسكها بيده وقومها غصصب خخخخخ
واخته تقول ايه عيال ذا اليومين ماعاد فيهم حياء !!!!!>>اللي استحوا ماتوا يا اختي


عاد انا قلت لها مافيها شيء المفروض قمتي من يوم آشر لك وقلتي عن اذنكم عندي شغل ..




والحين الكل يعرف بالقصه وصار كل يقول ترنجا ترانتيجا ومايدرون البزران وش معناها