ترن .... ترن تأخرتي

البرحة كنت في السوق .. انا وربيعتي
تعرفون اول الشهر ونحن حريم ... عاد قلنا ناخذ شوية مكياج على عطور و
ملابس ووووو الود ودنا نحط المحلات في الاكياس الى عندنا ...
المهم انا وربيعتي كنا وايد ماخذين راحتنا في السوق
من لساعة 4 العصر ولغاية 11 بليل .... ونحن ما نحس من مول لمركز ومن مطعم
لمحل هدايا ....والناس زحمة ... ونحن نشتري اللى يشوفنا يقول من سنة ما اشترينا شي
الساعة 11:time: ونحن بعدنا .... فجاة
ترن
ترن
ترن
ترن
موبيل ربيعتي يون يحليها تناظر التلفون ...
فجاة :11: تغص :06:وووو
زوجها المتصل
وانا :19:بنفجر من القهر اسالها منو
منو؟؟؟
ما تجاوبني ...
اتصل يقول لها تأخرتي عيوني ....
وانا:11::11:
واناظر الساعة يا ويلي يا سود ليلي :32:
لا حول ولا قوة إلا بالله
ايش سويت ...؟؟؟؟ لغاية الحين انا برع؟؟؟

ربيعتي المسكينة تقول لي اتصل زوجي يسالني ايش اشتريتي لى ؟؟؟
قلتها ياالمتفيقة انتي وزوجك..
وربي خليني افكر شو بقول حق اهلى...
يحليها هي تفكر في الهدية وانا افكر في سبب مقنع ...
وطول الطريق ...
:44: متضايقة ايش بقول
بس قررت اقول الصدق .. وامري لله ..
نزلت ربيعتي ووصلت البيت
تصورا شو
البيت فاضي ما في حد ....
كلهم راحوا العرس حتى الشغالة ....
بس عمتي بروحها ..قالت زين الحمد الله اربنا ستر ها المرة
جلست احمد الله علشان ما القى لى كلمتين في العظم
وسرت طيران على موبيل ربيعتي ... قلتها ايش صار معك ...
تقول فلوسها خلصت وما شرت الهدية .....
تميت افكر
وافكر ..
قلتها قولى لة ...انا كنت ادور شي يوازي قدرك بس ما لقيت غير عيوني لك اكبر هدية
قوليها من خاطرك وشوفي النتيجة ... وقلتها ابي النتيجة لازم تقولي
ههههههههههههههههههههههههه
اليوم
اتصلت الصبح طايرة من الفرحة تقول ...
ربي يخليك لي زوجي كان وايد طاير من الفرحة
وكانت ليلة وايد حلوة .... كانت وايد تشكرني
...قفلت الخط وقلت في بالي معقول...
كلمة ممكن اثرها يكون كبير .. لهذي الدرجة ولا رجالنا محتاجين شوية حنان؟؟؟
انتظر ردودكم :time: