وانا معاكي بعد عنود الصراحه شجعتيني

المشكله اني كسوووووووووووووووله


امارس المشى وبعد كم يوم اكسل

هلا راوند



عزيزتي السالفة أكيد يبالها عزيمة وطول بال .. لأن المشكلة أن كل شي يخترب بسرعة لكنه يحتاج وقت أطول عشان يرد مثل ما كان.


عن نفسي ما كنت حابة سالفة المشي هذه لأني ما كنت محصلة مكان خاص للمشي .. يعني تعرفين ما كنت اتخيل اني امشي على الكورنيش مثلاً بعباتي وحجابي .. كنت احسها مب حلوة مع اني كنت اشوف وايدات يمشن عادي.

وجهاز المشي غالي زيادة عن اللزوم صراحة .. وما يسوى علي اسير نادي صحي مخصوص عشان جهاز المشي.


لكن يوم شفت الترهلات انفزعت صج .. وقلت وااااااامصيبتاه .. خاصة ان عرسي عقب كم شهر .. يعني فشلة جدام الريال بعد .. فعزمت وتوكلت على الله .. وطلعت دورت لي مكان زين وما فيه زحمة ناس .. وصرت اسير كل يوم امشي هناك لمدة تتراوح بين الساعة الا ربع والساعة .. مع اني ما كنت اتخيل اسويها لأني اساسا ما كنت احب فكرة الرياضة مع العباة واحسها تعيق الحركة .. لكن سبحان الله ربج ميسر السالفة ولا احس بأي مشكلة.



دوري مكان زين وترتاحين فيه عشان ما تملين بسرعة .. وشوفي حد يسير وياج إذا ما تقدرين تسيرين بروحج .. بس شرط يكون هو بعد باله طويل عشان ما يمل ويمللج .. وان شاء الله تتوفقين وتوصلين للنتيجة اللي تحبينها.






اسمحي لي طولت عليج :26:

مررحبا اختي :)

فيه خلطه وحده بالمنتدى ما اذكر اسمها كانت كاتبتها لشد الجسم و تقول النتيجه تبين بعد اسبوعين تقريبا و انا بديت فيه قبل كم يوم لصدري

و هو عباره عن
شبه , ماء ورد , ليمون , جلسرين , أي نوع من كريم , زيت زيتون ..

تخلطينهم و تحطينهم في زجاجه وتسوين لها حمام مائي ..
وبعدين تدهنين جسمج و بعد ساعه تغسلينه بماء دافي

وبالتوفيق
:27:

هلا لولو الحلوة



تسلمين عزيزتي على الوصفة .. وياليت تخبرينا بنتيجتها وياج إن شاء الله.







تحياتي