السلام عليكن يا معشر الحواءيات
بدخل في الموضووووع على طول 00الترويبه سوداء >>رفعت ضغطك >>تنظفين ولا تفركين ولا تدعكين وما نفع فيها
وش رايك تغيرينها >>>>مدري ليش كنت اتخيل انها شغله صعبه بس والله طلعت سهله وما تاخذ منك وقت اذا يدك
خفيفه يمكن ساااااعه ولو كثرت سااااعه ونص >>طبعا بالنسبه لغرفتي شوي كبيره مو البيت كله :D
يالله بسم الله تحتاااااجين: مسماااار 00قفاااازات (جونتي) 00بودرة الترويبه وتاخذيها من محلات السراميك ويكوووون
نفس لون السراميك(طبعا الكميه على حسب حجم الغرفه -بالنسبه لغرفتي احتجت 4كاسات تقريبا) 00فوطه ما
تبغيها وتكون شوي مبلوووله
اولا: تعجنين الترويبه بماااء اقرب للباااارد مو حار حتى تكون مثل العجينه وتقدري تتحكمين فيها لو بتشكلينها
ما صورت ذي الخطوه
ثانيا : الله يسلمكم تبدين من اول الغرفه بالمسماااار تحكين ما بين السراميك لحد ما يطلع القديم ثم تاخذين من العجين وتحاولين يدخل بين السراميك مع الضغط عليها كذا مره لحد ما يتعبى مثل كذا
ثالثا: تمسحين الزايد بالفووووطه وتتركينه ينشف وتروحين للي بعده وهكذا
شوفوا لونه بعد ما نشف نظيف ويهبل وكانك تو مركبه سيراميك
وهذا قبل
على فكره بناااات هذي اول مره اغير الترويبه من 6 سنين عمر السراميك تبعي ----شي ثااااني اضطريت اغيره مو بس لانه اسوووود كماااان لان بعض الامااااكن خرجت منها الترويبه لذلك جرى التنويه
اتمنى موضوعي عجبكم والى لقااااء قريب بأذن المولى