ترى الموضوع مايستاهل بس رائيكم يهمني

السلام عليكم ورحمة الله وبركاته


وكل عام وانتم بخير


بنات 0000000 اليوم صار لي موقف محرج وضاق صدري منه وبما انكم مثل خواتي

ودايم اشاوركم وافضفض لكم ويهمني رائيكم بالدرجه الاولى سواء كنت على صح او على خطأ


ما راح ازعل منكم 0000000

السالفه وما فيها ان بنت اخت زوجي وولدت من شهرين وجابت ولد وانا ما دريت عنها الا بعد

ما ولدت ب16يوم واصلا ما دريت بحملها مع العلم اني كلمت امها كذا مره ولا علمتني

لانهم بديرة ثانيه تبعد عنا ساعتين واحنا ما نروحلهم الا بالاعياد والمناسبات المهم اليوم

قالي زوجي ايشرائيك نروح نعيد عليهم قلت والله فرصة بعد نباركلهم بالمولود الجديد

وما امداني اروح السوق واشتري هديه او حتى اجيب معي شوكولاته لان قررنا الروحه

متأخر يادوب لبسنا وطلعنا ورحنا لهم وسواليف ووسعة صدر لما جينا بنروح حطيت مبلغ

بمنديل وعطيته ام المولود وقلت لها سامحيني على القصور ما خذيت الا قامت تحلف انها ما تاخذ شئ

وانا اقولها هذي مو لك هذي هدية المولود عيت وقالت انا خلاص طلعت من الاربعين

وبعدين انتي عطيتيني هديه بولدي الاول وانا اقولها ترى بزعل وشلون ترديني هذي هديه

والرسول قبل الهديه واحنا عندنا عيب اللي يرد الهديه قالت لا ماراح اخذها وان شاء الله

اذا ولدتي بالسلامه اجيك واهديك وبعدين جت امها وقامت تلمني وتقولي ان شاء الله

نردها لك اذا ولدتي وانتو غاليين علي وما له داعي واحنا نحبكم وما ادري ايش

المهم انا انحرجت مررره وقلت والله على راحتكم انا ما ادريت انها حامل من الاصل ولا دريت انها

وولدت الا من شهر واليوم ما امداني اشتري لها شئ علشان كذا عطيتها فلوس وسلمت عليهم وطلعت


وانا مرره متضايقه لانها ردتني ما ادري علشان ايش مع انه عادي عندنا نقدم فلوس للوالد بولد

وحماتي جابت معها هديه مغلفة مع سلة شكولاته وقبلوها منها هل هي رفضت الهديه علشان فلوس

يعني لو اني جايبة هديه كان قبلتها بس فلوس لأ والله اني متضايقه مررة حتى البكاء بكيت

هل انتو عندكم عيب الوحدة تمد فلوس للي وولدت مع العلم اني اعطيت خالتها كم مررة فلوس لما وولدت