صادقه ياعصفوره وكلامك ميه بالميه
وانا لا حظت مثلك انها من تكتب الموضوع تكون مبيته النيه اي واحد يخالفها الرأي تصنفه ضدها واي وحده توافقها هذي صديقتها يعني ماتبي تصحيح ولا تبي اختلاف معها
ولازم تكونيين مع فكرتها حتى لو هي مخالفه للدين مصادرة للشخصيه الله لا يبلانا
مع اني لما اخالفها اخالفها بأدب عمري ماسبيت احد او تلفظت ع وحده واصلا مااعرفهن ولا يعرفني بس اكتشفت بهالمنتدى بعض الحريم عقولهن الله لا يبلانا

وعليكم السلام ورحمة الله وبركاته
مدري متى الناس تستوعب ان الاختلاف شي طبيعي
الله ما خلقنا نسخ مكرره عن بعض لا في شخصياتنا ولا تفكيرنا ولا ميولنا ولا فهمنا ولا علمنا
حتى في الجانب الديني العلماء والشيوخ بينهم اختلاف آراء في عدة امور على مر الازمان وكلن له اجتهاده وفهمه ورأيه اللي يتغير مع تطور الحياة وزيادة العلم والفهم
طبيعي الناس كذلك تختلف
وكل رأي فيهم عنده أدلته اللي تدعم رأيه ويستند عليها ويشوفها صح غير قابل للتشكيك
مثل فكرة هذي الصورة بالضبط !




يعني المطلوب فقط ( احترام ) الاختلاف حتى وان كنتوا ضده ومو مقتنعين فيه
الهجوم والشخصنه ماراح يغير من الواقع شي
ويا كثر اللي ما اتفق مع افكارهم لكن ما اهاجمهم ولا لي دخل فيهم
عندي رأي وفكرة اعبر عنها واقولها وما اجبر أي بني آدم يقبلها او ياخذ بها
الامور سهالات وسعه ليش اضيقها على نفسي وعلى الاخرين ؟
الله اعطانا عقول عشان نستخدمها ومانكون أمعات واتباع للآخرين
واضعف الناس واكثرهم هشاشه وخواء هم اللي يتركون الفكرة المطروحه ويستلمون الشخص بالهجوم والتلفظ هذول فاضحين انفسهم بأنفسهم ان اللي داخل جمجمتهم مايقدر يعطي شي مفيد ولا يناقش ولا يفكر وماله حيله الا الصراخ

وعليكم السلام ورحمة الله وبركاته
عليك نور .. الوحده اذا عندها مشكله مع اللي خالفت رأيها قالت تتبع فلانه
وانا مستحييييل أكون " تبع " لوحده على حساب الدين !!
لو زوجي خالف رأيي في مسأله دينيه ..
نبحث عن اراء العلماء الثقات وناخذ بها
بس المشكله وين ؟..
لمن الوحده تاخذ وزرها و أوزار مع اوزارها في مشاكل عقائديه
مايخفى على أثنين انها حرام !!!!
فكيف لو كان كلام فيه شبهه وش بتسوي الوحده ؟
عَنِ النُّعْمَانِ بْنِ بَشِيرٍ رَضِيَ اللَّهُ عَنْهُمَا قَالَ:
سَمِعْتُ رَسُولَ اللَّهِ ﷺ يَقُولُ -وأَهْوَى النُّعْمَانُ بِإِصْبَعَيْهِ إِلَى أُذُنَيْهِ: إِنَّ الْحَلَالَ بَيِّنٌ، والْحَرَامَ بَيِّنٌ، وبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ مِنَ النَّاسِ، فَمَنِ اتَّقَى الشُّبُهَاتِ فَقَدِ اسْتَبْرَأَ لِدِينِهِ، وعِرْضِهِ، ومَنْ وقَعَ فِي الشُّبُهَاتِ وقَعَ فِي الْحَرَامِ، كَالرَّاعِي يَرْعَى حَوْلَ الْحِمَى، يُوشِكُ أَنْ يَقَعَ فِيهِ، أَلَا وإِنَّ لِكُلِّ مَلِكٍ حِمًى، أَلَا وإِنَّ حِمَى اللَّهِ مَحَارِمُهُ، أَلَا وإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ، وإِذَا فَسَدَتْ فَسَدَ الْجَسَدُ كُلُّهُ، أَلَا وهِيَ الْقَلْبُ. مُتَّفَقٌ عَلَيْهِ.

حي هالطله منوره ياعسل 🌸

اي والله قهر اتعب اصابعي وعيوني عشان اعطيها ردي ورايى وحكمتي😎 ثم اذا ماعجبها الرد قالت (انقلعي)وععع مبزرة ياشيخة