تريدين بشرة مثل القشطة.. وعن تجربه

السلام عليكم ورحمة الله وبركاته أخواتي وعزيزاتي بنات حواء
هذه اول مشاركه لي في المنتدى وحبيت افيدكم من خبرتي البسيطه جدا جبتلكم صابون استخدمه صارلي فتره طويله وكنت اريد اشارك بس كان عندي مشكله بالجهاز....المهم هذه الصابونه انا اخترعتهامن خلال قراتي وتجاربي بس اريد اقول شي في البدايه
*من خلال تصفحي في المنتدى حصلت بعض الأخوات حاطه نفس المقادير اللي عندي تقريبا فلا تزعل وتظن اني سارقه موضوعها وانا فرحت اني في احد مجرب نفس المقادير وهذا اللي طمني اني انزلها لكم
*انا بشرتي حساسه جدا فلا تخافون
*يمكن استخدامها على بشرة الوجه بحذر خاصه للبشرتها حساسه ..انا استعملها على وجهي مرة في الاسبوع أما على جسمي يوميا واحيانا كل يومين
والان المقــــــــــــــــــــــــــــــــــادير:
صابونة طاووس واحده مبشوره ناعم
ملعقة طعام عسل نحل طبيعي وممكن العادي اللي نشتريه من الجمعيه
" " زيت زيتون
" " " أطفال جونسون ..أختياري
2او 3 ملاعق طعام مقشر للجسم (سكروب)
ثلاث أرباع الكوب ماء ورد
الطريــــــــــــــــــــــــــــــــــــــــــــــــــــــــــــــــــــــــقه:
تخلط جميع المقادير باليد او بالخلاط بس هي ماراح تطلع ناعمة
طريقة الاستخدام:(للأمانه الطريقه استفدتها من بنات المنتدى )
يبلل الجسم ثم تاخذين شوي في يدك وتفركين الجسم كللللللللللللللللللللله وبعدين تنتظري 5-10 دقايق وتغسلينه مع الفرك وراح تلاحظين النتيجه فوريه ان شاء الله انا استخدمتها بعد ولاتي وجابت نتيجه للاماكن السودا ولين الحين استخدمها حتى زوجي يستخدمها يقول منعشه
وسلامتكـــــــــــــــــــــــــــــــــــــــــــم..

واللي تريد سوا او استفسار انا حاضره واذا ماقدرت ارد بكون مشغوله مع القمرين:04: :04: