تزاعلت مع امي وامي عايرتني بكلام جارح!!

السلام عليكم ورحمة الله وبركاتة
في اشياء مضايقتني بتكلم عنها وانتوا ساعدوني بالحل
لما اتناقش مع أي أحد اتكلم بهدوء او بمستوى صوت مسموع ماأحب الصراخ ورفع الصوت بحجة الاندفاعانا بالنسبه لي اللي يرفع صوته عليك يحاول يغصبك او يجبرك توافق كلامه او تنفذ طلبه باالاجبارطبيعي كلنا لنا أراء مختلفه وما نتفق بكل شي مثلا انا اشوف اني لازم اخلص الحاجه الفلانيه اللي اسويها وثم ابدأ في اللي بعدها البعض يعيش عشوائيبالنسبه لي في أولويات وفي أمور ممكن تتأجل مو كل شي لازم نسويه بنفس اليوممثلا اروح مع امي مكان عشان نشتري شي محتاجينه تروح امي لأشياء ثانيه لدرجه المحل يسكر واحنا ماشرينا الشي الضروري وتعبي خرابيط في السله مالها داعي وبعدها تقول اصلا رحنا متأخرين واعيالك اخرونا يبون بقاله ويبون مدري ايش يعني ترمي سبب انها ماأخذت الشي المهم بسببي وبسبب اعيالي مع انها ضيعت ساعه او اكثر تلف وتدور في المحل كلمتها اكثر من مره يمه خذي المهم وبعدين لفي المحل تزعل مني وترمي كلام وتقولي مانبي نطلع معاك نروح مع سواق احسن..مثلا سيارتي مكيفها يتعطل كل فتره اخر شي قالوا تهريب وصرت كل فتره اعبي فريون ويرجع المكيف يتعطل تخيلوا امر على امي تلطعني في السياره عشرين دقيقه نص ساعه ساعه الا ربع وادق يمه وينك تقول جايه بلبس عباتي وبجي وإذا تأخرت كثير نزلت بيت اهلي اشوفها تلف وتدور في البيت وماهي جاهزه أصلا تصخن غداء مدري مين وتغلف الكيك وتشرب شاي أو تسوي قهوه بارده للطريق وماكانه في وحده تنتظر وسيارتها بدون تكييف كلمتها يمه افطس من الحر سيارتي حاره اعيالي دابوا من الحر والرطوبة ليش تتأخرين كلمتك قبل ماجي بساعه وقلتي جاهزه تزعل وتجادلني وتقول ذليتيني بالتوصيل ماني راكبه بسيارتك يوم ان سيارتك مكيفها حار صلحيه بدل ماتحطين اللوم علي ومن هالكلام..مثلا اكلمها بموضوع مهم تقوم وتروح المطبخ او تتصل لأختي وانا اتكلم اقول لها يمه ليش تقاطعيني تقول تذكرت اختك قالت كذا وكذا او تشوف اخوي مار الصاله وتكلمه وتقوم وراه وانا اتكلم !!تفشلت كثير بسبب هالتصرفات واذا جات تكلمني تجلس ساعه بنفس الموضوع والله اسمع واقول امي ماعليه الآن صار موقف متفقين مع خياطه تسوي لنا ملابس وعاطيتنا موعد للتسليم امي تبيني ارسل للخياطة متى تخلص رسلت لها من يومين ردت وقالت اسبوع واخلص الآن تبيني اكلمها طيب ماخلص الاسبوع تقولي ارسلي اتصلي قولي لها كذا وكذاقلت يمه مايصير ارسل اذا عدا الاسبوع وماخلصت نرسل وندق وتعصب امي وترفع صوتها علي وتروح الغرفه اللي فيها بنتي واختي وتقول فلانه ماتفهم فلانه تبي الشي يمشي بكيفها وتوهقنا فلانه ماتعرف تتصرف و تبي تعطلناقلت بعصبيه يمه التلفون عندك وارسلي واتصلي انا مابرسل شي انتي تفكيرك كذا وتشوفين نفسك صحانا اشوف هالشي غلط وماراح اسويه تخيلوا قامت تقول قدام اعيالي زوجها يصرخ عليها وتسكت له وجايه تصرخ عندنا ..وربي جاتني غبنه وهم كبير حسيتها زي الشماته مدري زي الاستنقاص قلت يمه وش دخل هذا كله بزوجي ومشاكلي هالكلام ٣ الفجر على اساس بنام عند اهلي زوجي مسافر واخذت اعيالي ورجعت بيتي وبكره مفروض اروح لاهلي عشان اقضي معاهم بعض الأشياء ومالي نفس زعلانه زعلانه من امي على كلامها وزعلانه من نفسي لاني رفعت صوتي على اميمافي تفاهم بيننا ايش اسوي امي ماهي عجوز ترا عمرها خمسين وانا ٣١