تزوجتيه ومن ثم عرفتي .... زوجك إحتمال ما ينجب !!! ساعدوني

والله الحل بيدك اذا انت تبين الأطفال ومتعلقة فيهم اختصري من البداية قبل لا تروح السنين بدون ما تحسين00 مع انك لو فكرت ان البنون هم زينة وليس بالضروره انهم بيسعدونك ويصيرون بارين بك اذا كبرتي او انك بتلقين زوج صالح يمكن تصبحين مطلقة ولا يلتفت لك أحد00 واذا زوجك انسان مستقيم وانت سعيده معه استمري وحاولي مرة واثنين وعطيه فرصه بصراحه انا ما اشجع على انك تتركينه وانت غلطتي لما قلتي لأمك 000 هذا رأيي وان شاء الله البنات يساعدونك مع ان الحل بيدك وانت ادري 000

حبيبتي قبل ماتفكرين بالانفصال سوي كل شي ...سوي اطفال انابيب جربي وحطي ببالك ماراح تنجح عشان ماتتحطمين اكثر بس عشان ماتتحسفين بعدين واستخيري سبع ليالي ماخاب من استخار...وداومي على البقره اربعين يوم انتي وزوجك وشوفي وش بيصير حالكم
انا احس من كلامك ودك تنفصلين بس متررده وتتعذرين بامك .........استخيري وماعليك من احد وما خاب من استخار تشاورين رب العالمين احس من تشاورينا .... بيجون بنات بيعطونك كلام مثل السم بيقلون لك بتصيرين مطلقه ومن بيزوجك ماعليك من احد .........اذا تبين تستمرين استمري وتحملي كلام الناس بشان الاطفال ...كنت بقولك في اخت هنا اسمها المنتظره والامل بالله صبرت على زوجها عشر سنين بعدين تزوج عليها قال بجرب حظي .........ماابغى اشيشك والله على زوجك بس ماابغى اخدعك وقلتلك راي بصراحه ........
شوفي وضعي .....انا اجهضت كثير ومااعرف وش السبب وزوجي بعد كم يوم بيروح يحلل احتمال منه عني انا لو فيه شي ماراح اخليه لاني احبه وصعب اتعود على غيره وانشاءالله ربي بيرزقني املي بربي مره كبير ....شوفي نفسك ..واستخيري والله يكتبلك الي فيه الخير

[اختي في الله بمبة المفترسة
جزاكي الله كل الخير يا رب على الرد ورزقك بالبنين والبنات يا أرحم الراحمين
بالفعل ليس بأحسن من الاستخارة
بس ليمن طرحت موضوعي كنت بآخذ آرائكم فقط ،،،، أقراها وأشوف هل نفس أفكاري ولا لأ
وما خاب من استشار ........
ولكن أنا ما أتعذر بامي يا حياتي .... ماكو وحده بالدنيا تتمنى الطلاق أو تفكر فيه أبداااا ولا تتمناه لنفسها .... بس أنا نحطيت في وضع لا أحسد عليه .....
وعندي رضاء أمي تاج على راسي في كافة الأمور .....
حبيباتي علاقتي وتعلقي بأمي ورأيها كبير جدا ... ودايما يجيني هاجس إلي ما يسمع كلام أمه يضييع

وبس هذا الصراع الي أمر فيه بين الصبـــــــر وبين الانفصال

عموما حياتي جزاكي الله خيرا وأنتظر مزيدا من الردود



هوازن نجد .... جزاكي الله كل الخير على الرد ورزقك بالذرية الصالحة المعافاة
رأيك أثر فيني كثيير ...... وانا قلت لامي لاني كنت ما اعرف شالسالفة ..... يعني كنت بستشير أي احد بالموضوع قبل لا أتحسف ولا لقيت حزتها إلا أمي بجنبي ........

ولا كان قصدي اني اكسر كلام زوجي ولكن لازم راح يجي يوم وتعرف .... الحين مرت سنتين لو انا مو قايله لها جان بتحس ..... وبتعرف انه في شي ............

بس لو ادري انها بتتعذب كذه ما قلت وتميت كاتمه الاحزان بقلبي ............

حبيباتي انتظر المزيد من الردوووود وجزاكم الله خيرا

الله يرزقك بالذرية الصالحة ...

وعليك بالدعاء ثم الدعاء ثم الدعاء
واذا زوجك انسان صالح تمسكي فيه وبيرزقكم الله ان شاء الله

اتمنى تكون المقوله صحيحه