تزوجتي وانتي صغيرة؟بودك الايام ترجع ؟خلونا نسمع قصصكم كيف كانت تجاربكم

السلام عليكم ورحمة الله وبركاته
انا تزوجت وعمري 18 سنه الحمد لله
وقتها كنت ما افهم وطاير عقلي بسالفة الزواج وتقريبا كنت من نوعية البنات اللي ماتزوجت الا عشان تركب قدام بالسياره ههه
ايامها كنت بثالث ثانوي والحمد لله انتهت السنه على خير
مجموعي ماكان كبير فما قدرت اني ادخل الجامعة ففضلت القعده بالبيت
...وحملت وخلفت بالسنة الاولى ماشاء الله علي ماعندي وقت ودخلت بدوامة الحليب والحفايض...وزنت امي على راسي الله يحفظها اني اكمل دراستي وكملتها الحمد لله وكانت ايام صعبه صعبه جدا
دراسة ومسؤولية واولاد وغدا والله شي متعب جداا جدا للان ماقدرت انسى ذاك التعب ...كنت احيانا مااحضر بعض المحاضرات واقعد بالكافتريا بس عشان استرخي وانعم بشوي هدوء هدوء من كل شي لاني بعد الدوام بدخل بدوامة البيت والاولاد ...مرت الايام كبروا اولادي الله يحفظهم وكبرت انا معهم ...احيانا اقعد اتأمل واقول ياريتني ماتزوجت تحت العشرين ياريتني كملت دراستي اول وتهنيت بحياتي بعدين تزوجت ...لما كنت بالجامعة كنت احسد البنات اللي ماتزوجوا واقول ياحظهم ماهمهم الا انفسهم...طبعا ماانكر الايجابيات للزواج المبكر وهي اهم شي الابناء اللي تشوفينهم قدامك ماشاء الله يكبرون وينشؤون لكن والله مسؤولية كبيره
انتقال من حياة الدلع لحياة كلها مسؤوليات ومشاكل (طبعا لازم ببداية الزواج كل انواع المشاكل لين تستقر الحياة )
كثير احيان اقعد مع نفسي واغمض عيوني واتخيل نفسي قبل اتزوج والله ارتاح نفسيا لو دقايق
اقول ياريتني ماتزوجت لين تهنيت بحياتي او ع الاقل كملت دراستي قبل الزواج
الحمد لله دائما وابدا ..فما ندري وين يكون الخير لنا ..فربما ان الافضل ان اتزوج وان لا اكمل دراستي
الحين بنتي الكبيرة بنفس عمري يوم تزوجت ....اطالعها واشوف انشغالها بجوالها وصاحباتها واستقرامها وبحوثها بالمدرسه وعالمها الخاص وافكر لو دق الباب الان عريس هل ازوجها ..؟
ولا اقول اخليها تكمل دراسها وتتهنا بحياتها ويمديها على المسؤولية
ما اتخيل اني احرمها متعتها الحالية
ولكن بنفس الوقت اخاف اخاف اخاف
اخاف اقطع النصيب اخاف بعد الدراسة ماتكتمل تلومني اني مازوجتها
بنتي الثانية اشوفها كبرت ماشاء الله وصارت مره وجسها جسم حريم لكن احس عقلها صغيروون وهمها كله بالمطويات والدراسه وماما اشتري لي وماما جيبي لي وابغا كفر للجوال وهذا حد اهتماماتها ....مااتخيلها زوجه وزوجها يخاصمها وين الغدا ولا يحرمها من المشاوير ولا يغصبها على شي ...والله تدمع عيني لما اتخيل كذا
كلموني عطوني تجاربكم والله اني في حيره
طبعا الاستخارة قبل كل شي ادري
كيف كانت تجربتك وكيف كنتي تتمنيها