Dr.lamya :

لازم تتفاهمي مع زوجك بصرامه شوي اما البنت انصحك تقربي منها بالسواليف والكلام الطيب والقصص اجلسي معاها وحاولي تخليها تفضفض لك قولي لها اني سمعت كلام طيب عن امك الله يرحمها وهيا راحت لربنا وان شاء الله تكون بالجنه يارب ولازم نصلي وندعي لها انو ربي يدخلها الجنه وهي تسمع دعاءك وتحبك بس اكيد لو كانت عايشه وشافتك كذا حزينه راح تحزن اكثر وماما تحس فيك اذا كنتي حزينه او فرحانه .ليش تخليها حزينه وهيا الحين محتاجه بس دعاءك وكلنا لازم بعدين نروح لربنا بالنهايه وقولي لها قصص لبنات ماتوا امهاتهم وعاشوا حياتهم سعيدين ومتفائلين وناجحين المشكله ان سن البنت صعب شوي لانها طفله بس تحاول تسوي نفسها كبيره بحكم عمرها وطبيعتها انتي اوزني بين الكلام الطفولي والكلام الكبير ودايما حسسيها انك تحبين امها مره وفعلا انتي استشعري الشي هذا انتي اخترتي انك تاخذي ارمل معه بنت فلازم تكوني فرد من افراد هذي الاسره تحسي فيهم تحسني للبنت اما ابوها فانصحك تكوني صارمه حجدا جدا معاه وتجلسي معاه وتتفاهمي بهدوء يا تعاملني بالمعروف كزوجه ولا بسلامتك بنتك على عيني وراسي طفله صغيره وراح احبها واحترمها مهما تسوي ومهما تسوي ماراح افكر ازعلها وراح اعملها زي بنتي بالضبط اما انت شخص كبير فاهم وانت جيت بنفسك وخطبتني ما احد ضربك على يدك وفيه عندي ملاحظه مهمه اخذتها في كورسات علم النفس هو ممكن يكون فعلا يحب زوجته ومتعلق فيها وفجاة فقدها وممكن تكون هذي الصدمه سببت له خوف من انه يحبك بعد انتي ويتعلق فيك وبعدين يفقدك فلازم من جوات نفسك تراعي هذي النقطه وتذكري ان فقدان شخص عزيز ابدا مو سهل على الانسان يتخطها بسهوله فلازم تساعديه ومساعدتك هذي عمرها ماراح تكون بالضعف والصبر على الذل والاهانه خليك طيبه بس قويه وشخصيه بدوون صراخ الا اذا تجاوز حده معاك اما البنت عمرك لا تصارخين عليها ولا تقولين لها شي حتى لو ايش ما سوت لاني بس دقايق تخيلت نفسي بدون ام وتعبت نفسيا كيف بطفله عمرها 8 سنوات فجاه تتقبل انها تعيش بدون ام تخيلي انها انتي وشوفي كيف كنتي تحبين الناس يعاملونك في هذه الظروف احسني لها اشتري لها هدايا العاب شنط مكياج حقت الاطفال فساتين قولي لابوها ابغى اطلع انا وفلانه للملاهي ومشيها ولعبيها وفعلا حطيها في عيونك بس اهم شي لا ترضين بالاهانه من ابوها ولو بنص كلمه ردي عليه وبقوه لانو مو معقول يتسخط من قدر الله فيك انتي وانتي مالك ذنب لا تزر وازرة وزر اخرى ذكريه بالله دائما والله يكون في عونك يا قلبي

لازم تتفاهمي مع زوجك بصرامه شوي اما البنت انصحك تقربي منها بالسواليف والكلام الطيب والقصص اجلسي...