ســآره !~ @sarh_105

عضوة نشيطة

تزوجت الي اتمناه زوج لي وبعد شهر /قديم

بسم الله الرحمن الرحيم ..

لا اله الا الله وحده لاشريك له له الملك وله الحمد وهو على كل شي قدير..

آآآآآخ بس من هالزواج .. كله مشاكل وقررف

ماهقيت انه لهادرجه الاغلب يسب زواج الاقارب

والاغلب يبعد عنه ..

انا عروس صارلي 5 شهور متزوجه ولد خالي

قبل ماكان فيه بينا مشاكل بالعكس

لكن بدت المشاكل من ثالث شهر

يالطييييييف بس .. كرررررررهت نفسي

لدرجة اني دايما احس بإستفراغ الله يعزكم ..

قبل زواجي كنت احوووس بقسم علاج السمنه

لاني كنت دباا بس الحين خلاص نحححفت من غير رجيمات > هذي الحسنه الوحيده هههههه

العيب مادري من مين بالضبط مادري من زوجي ولا من امه ولا من امي ولا حتى مني انا الله اعلم

مافيه مشكله معينه هي مشاكل وبس ابي ادور وش المشكله بالضبط علشان احلها وارتاح ماالقى شي ويجن جنوني مادري كييييييف ولا ادري وش اقول ياليت وحده فاهمه وش اقوول وفاهمه وش اقصد

تدرون وش افكر فيه ؟؟

افكر بالطـــــــــــــلاق .. :44:

اناالغلطانه الي تزوجت بهالعمر احس اني مو قد المشاكل وماتعودت اني اعيش المشاكل لوحدي

تجيني حالات اقطع شعري بيدي > من كثره بعد ياربي لك الحمد :icon33:

دلوني وش اسوي امي وابوي ماقدر استشيرهم بشي لاني لو بقولهم انه ضايق صدري كبرو الموضوع ويمكن ابوي يسوي بزوجي شي لاني انا اغلى ماعند ابوي ومايرضى احد يزعلني ودايم يسألني اذا هو يضايقني ؟؟ يقول علميني لاتخافين اذا كان يقولك شي او يزعلك بشي علميني علشان اعلمه ان الله حق ..
يعني بصراحه عادي ابوي يوصلها للضرب
وابوي كان رافض زواجي من الاساس بس انا الي اصريت كان يقولي لاتتزوجين الا اذا وصلتي الـ30 هذا احلى عمر للزواج وتكونين فاهمه كل شي لكن ارادة الله فوق كل شي ..
ولا عندي اخوان وخوات كبار انا اكبر خواتي كلهم صغار وطبعا ماقدر اشاور اي احد من جهة امي لانه هو منهم

مالقيت بعد الله الا انتم

دبروني وش اسوي الله يوفقكم دنيا واخره :44:

15K

هذا الموضوع مغلق.

ودي اضمتس يايمه • 14 سنة

طبيعي بداية الزواج يكون فيه اختلاف وسعي صدرك ياقلبي

lady arooj • 14 سنة

ربي يفرجها عليكي يارب ويسخر لك زوجك يارب...

Bاحساس انوثهA • 14 سنة

لالالالالالالالالالا انا اقولك الزواااج هو مسؤؤوليه ويمكن انك تحسي بتعببب وشوي المسؤوليه صعببببه لكننن الزوااااج نعمه يا خاتي احمدي ربك عليها وصيري زوجه شاااطرة واحتوي زوججك وماعليك من كلاام امه ولا امككك وعيشوا حياتكم بلاهم وبلا مشاكل وخلي في بالك ان المشاكل تكون بالسنه الاولى وبعدها تتعودون على بعض وكل شي ينتهي

شذا الورد • 14 سنة

صراحه مافي شئ اقدر اعلق عليه بوضوح ..

انتي مو عارفه ايش المشكله ...

شوفي حبيبتي

انتي وزوجك قفلي عليك باب بيتك وخليك رسميه مع اهله ومع امه واسرار بيتك وسوالفك مع زوجك وطلعاتك وروحاتك ماتطلع من باب البيت لااهله ولاهلك ..

وهالفترة اساسا تضارب افكار بينك وبينه انتي حاولي قد ماتقدرين تقللين التصادم معه ..

ولاتفكرين بالطلاق ولاحاجه ..

خليك هادئه وتفكيرك بعقل ..

واذا زوجك طبعه طيب وحنون وفاهم خلاص كل الامور تنحل ..

والله يوفقك بحياتك

ســآره !~ • 14 سنة

ودي اضمتس يايمه :

طبيعي بداية الزواج يكون فيه اختلاف وسعي صدرك ياقلبي

طبيعي بداية الزواج يكون فيه اختلاف وسعي صدرك ياقلبي

ياعمري انا ما اقصد المشاكل الي بين الزوجين انا اقصد مشاكل الاقارب بسببنا

اتمنى احد يفهمني :44: