تزوجت بالاجبار وكارهه حياتي الحين 💔 شالحل

بنات انا ابوي زوجني وعمري ١٥ سنه بالضرب والاهانه رغم اني رفضت و قال لي الكلمة اللي ماراح انساها طول حياتي " المره مالها كلمة عندي " المهم اني اجبرت ع واحد كنت اكرهه و حتى وجهه مقدر اناظره من كثر ماهو بعاجبني
المهم وبعد سنه رضيت بحالي رغماً عني ..
والحين يوم صار عمري ٢٣ سنه وعندي ثلاث اطفال احس اني مو متقبله ابوي و ماعاد له في قلبي مكان ..
يوم اسمع ابوي يقول لفلانه اللي هي اختي ان انا ماراح ازوجها الين تكمل دراستها ويحبها و لا عمره مد يده عليها
يزيد كرهي له اكثر واشك في انه مو ابوي ......
اما عن البيت والاطفال فاحس اني تعبت لاقصى حد
لانه اول ماوعيت عالدنيا ع طول ابوي زوجني ..
الحين ي بنات ودي اتطلق ودي اتخلص من ذي الحياة اللي انحطيت فيها بالقوة ودي افتك من كل شيء احيان افكر اشرد من واقعي لعالم ثاني ماني قادرة اتقبل الحياة اللي انا فيها .....
وش اسوي ؟ تعبت كل يوم ابكي .. واقول انا ماني قد المسؤولية واني ماعشت طفولتي ولا مراهقتي ....
شالحل ي بنات ؟ مرات افكر اترك العيال مع ابوهم وابعد سنه عشان ارتاح نفسياً ... وبعدها ارجع ..
ماني عارفه وش الحل ، مابغى اترك عيالي واحياناً اقول اتركهم فترة وارجع لين ترتاح نفسيتي .... 💔💔