لا تتطلقين يا قلبي

بالعكس ادعي ربك ان يحبك وتحبينه

انا اشوف انك دامك خلاص تزوجتي ابدأي فكري بالمنطق

الحين تخيلي عيال اختك هذولي من يربيهم ,, لو كنتي ما تزوجتيه بقولك مالك دخل

بس دامك تزوجتي خلاص ارضي

انتي قلتي طيب ووسيم وصغير

اهو بس مو متقبل الوضع لأنك انتي مو متقبله

حاولي انك تضحكي لي او تبتسمي

حبي اولاده دلعيهم بيحبك وبيحطك بعيونه

والله يمكن هو احسن لك

تتطلقين؟ عمرك 18؟ ايش محلك بالمجتمع ؟

انا عن نفسي ما يهمني المجتمع

بس انتي ابوك شديد لو تطلقتي بترجعين عنده بيزوجك ثاني واحد يطق الباب

فكري بالعقل

لا عاد تقولين اسرارك لأمك دامها تخبر ابوك

وحاولي تشتكين لزوجك ابكي عنده قولي ابوي يضربني وانا متحمله عشان عيال اختي وعشان اختي الله يرحمها

وانت ابوهم وعلى راسي


ممكن انك تعيشي حياتك طبيعي بطلي بكا

ادري والله صعب الموقف

بس حاولي تكوني قده

نصيحه الطلاق لا

والله تتعذبين

والصغار يحبونك وانتي اتوقع طيبه وحنونه ولا ما تسلمين على ابوك وهو يضربك

انا لو محلك ما عاد اطالعه قلبي قاسي

بس انتس شكلك طيبه

زوجك ادعي ربك يحببه بقلبك ويحببه فيك

واتوقع انه يحبك لأنك قبلتي فيه وصابره بس شايف موقفك منه وصار يعاملك بالمثل

ابدأي انتي بالتصرف الحلو

خلك عفويه البسي واكشخي كنك ببيتك عادي

ابتسمي نصيحه ابتسمي بوجهه خلك انسانه رحومه

ارحميه انتي

ترى اهو فقد زوجته وبنته بيوم واحد

حطي نفسك محله

تخيلي انتي متزوجه وتوك تولدين ويموت زوجك وطفلك وش بتحسين؟

ترى اهو له قلب ومشاعر

فرحان بزوجته ماتت,,

عوضيه انتي

اليوم تحملي واصبري

بعدين والله ان ما عاد يشوف بالدنيا غيرك

بس لازم الصبر

امانه ترى قلبي يعورني على هالصغار

انت ربي عطاك مسؤليه كبيره واكبر منك

بس اكيد انتي قدها

والله جربي تشترين للصغار شي والعاب شوفي فرحتهم

امهم راحت ايتام هذولي كوني الام انتي

لا تقولي طلاق

قولي باخذهم بحضني

قولي , أنا امهم

احضنيهم وربي ربي يزيدك حسنات ويرزقك من كل جهه

ربي يسعدك

ويارب ترجع الابتسامه لوجهك

وعيشي حياتك الدنيا حلوه

لا تفكري بالمستقبل ولا بامس

فكري بيومك بس

انتي ما تدرين متى بتموتين شوفي اختك راحت واهي تضحك وين اهي الحين؟

انا مابي اضيق صدرك

كلنا بنموت

ابي افهمك لا تخططين لأن محد يدري بكره بيصبح او بيموت

عيشي اليوم

البسي

تدلعي


اضحكي

نططي


اعبدي ربك


اقرأي قرآن

توك صغيره

بسن الورود انتي

لا للحزن

الدنيا فانيه ياقلبي


يارب يبسطك دنيا ,وآخره

انا شوفيني عندي طفل وزوجك بعيد عني منفصلين وهذي انا راضيه

اقول اللهم لك الحمد والشكر

امانه فكري بكلامي زين

بقولك كلمه اخيره

(بداخل كل رجل طفل)

دوري عالطفل اللي داخل زوجك

وربي تلقينه مسكين وزي الطفل يبكي ويبي منك شي يفرحه

موفقه اختي

أنت وزوجك لا زلتوا تحت الصدمة.

هو عارف إنك انغصبتي على الزواج منه، وأنت عارفه أنه انغصب على الزواج منك.

يعني الزواج تم بظروف سيئة جداً، تم بعد أيام قليلة من وفاة أختك اللي هي زوجته وبنفس الوقت ما تم بموافقتك ولا موافقته، الأمر تم بالتهديد والغصب والضرب.

يعني أنت ما اعترضتي عليه كشخص وواضح إنك معجبه بأخلاقه وطيبته، وأظن أنه هو نفس الشيء، يعني أتوقع لو أنكم ما تزوجتوا وله أخ يدور عن زوجه كان يمكن يرشحك له.

يعني أنت ما تعيبين عليه شيء ولا هو يعيب عليك شيء، لكن الظروف كانت أكبر منكم ومالكم يد فيها، وهذا الجرح يحتاج وقت عشان يندمل.

الآن الموضوع تم وصار الزواج، وأنت الآن بين أمرين، إما تصبرين على هذا الحال وتحاولين قدر استطاعتك لملمة جروحك وجروح زوجك. أو تطلبين الطلاق وتدخلين في دوامة أخرى قد تكون أشد من الوضع الحالي.

نصيحة مني لك لأنه واضح من كتابتك أنك عاقله ورزينه، نصيحة أنك تكتبين كل اللي بخاطرك على دفتر، اكتبي كل أحاسيسك ومشاعرك، اكتبي عن مشاعرك لما جاك خبر وفاة أختك، واكتبي عن طريقة أبوك معك لما عرض عليك موضوع الزواج من زوج أختك، اكتبي له مثل ما كتبتي لنا وفضفضي أكثر، كل أحاسيسك فرغيها على الأوراق ولا تكتمي شيء، وبعدها صلي صلاة الاستخارة واعطيه الدفتر وهو راح يقرر. واضح أنه عاقل على صغر سنه، الطريقة هذي راح تكسر الحاجز النفسي بينكم كسر، وراح تشوفين أن مشاعره مثل مشاعرك، هو أيضاً تحت الصدمة وأتوقع أنه إما يكتب لك الرد على ورق أو يحاورك وجهاً لوجه.

ومسألة أنك تتزوجين زوج أختك المتوفيه، أو الرجل يتزوج زوجة أخوه المتوفي هذي تحصل كثير، ودائماً يحصل هذا الشيء لأجل أبناء الطرف الآخر، بعض الأخوات لما تمرض تلاقيها تقول لأختها إذا مت وأنت ما تزوجتي عيالي أمانة عندك ولو تتزوجي أبوهم سويتي خير، وهذا كلام كثير نسمعه.

ولو أحد سألك قولي لهم الأمر ما كان سهل علي لكن ضحيت لأجل عيال أختي، وأنت صادقة في هذا الكلام ولا كذبتي، أنت ضحية لقرار متسرع من أبوك، والله يسامحه.

وأنت ما تدرين لعل ما حصل يكون خير لك، يمكن رب العالمين ما يكتب لك عيال ويكون عيال أختك هم عيالك، ويمكن .. ويمكن .. يعني الواحد تصير له أحياناً مصايب أول ما تصير يبكي منها ويجزع وبعد سنوات يكتشف أنها خير له.

والله يكون في عونكم ويختار لكم الأصلح.

يا خوفي .. لو مت وأختي تزوجت بظروف مثل ظروفك ثم سوت مثلك وفكرت بالطلاق عشان خاطر كلام الناس
ولا فكرت ولا شالت هم عيالي

حبيبتي .. راح أقولك وشلون تبدين

المفتاح بيدك والباب هم العيال .. روحي عنده وقوليله ودي أفرح العيال .. وماأبيهم يحسون بشئ تغير عليهم..وش رأيك نوديهم ملاهي أو طريقتهم في الطلعات حسب عوايدكم.

ثم بالسيارة أطرحي عليهم أسئلة حسب سنهم..واللي يجاوب صح يأخذ الجائزة من أبوه ( نوع من المزح والمقلب ) لأن هو قائد الرحلة.
وخلي زوجك يشارك معك في طرح الأسئلة.

بعدين إذا رجعتم من الرحلة..أرسلي له رسالة نصها كالتالي ( لا تلومني كل شئ صار بسرعة وفجئه .. أصبر على هي مسألة وقت ..

وماراح ألقى أحسن منك )

اليوم اللي بعده .. قومي مثل الذيب .. وسوي له فطور بسيط أو قهوة..اللي متعود عليه

وقولي له وين رايحين نتغدى .. أو وش تبي تغدينا اليوم..بحكم أنك تقولين ما أعرف أزين شئ

وصدقيني شوي وشوي راح ينفتح بينكم باب الكلام .. بما أنك تدرسين .. تحججي يوم خليه يكتب لكي الواجب ، أو يشرح لكي مسأله

ولا تنسين الاهتمام بنفسك ما أقول بالغي كانك رايحه عرس .. لا خليكي ناعمه وتعطري وتزيني ببسطه.

أخيرا..لا تحسسين زوجك أنك أخذتيه بس عشان خاطر عيال أختك الله يرحمها .. ترى الرجل مهما كان يبحث عن الحب والحنان

إذا سألك بيوم من الأيام عن سبب تأقلمكي قوليله والله طيبتك وأخلاقك وحنانك وصبرك على كان له دور بالإضافة لعيال أختي

طمنينا عليكي

اووووووووووه نسيت اقولك شي

كلام الناس لا يهمك

اذا احد قالك شي


قولي انا بربي عيال اختي انا امهم

كلام الحريم واجد طنشيهم

الله يرحم اختك ..


ويكون بعونك ويسعدك ..


اكثري من ذكر الله .. يجعل لك الله من كل ضيق مخرجا ....