خلاص يا أختي
عيشي حياتك كزوجة طبيعية
صحيح أبوك استعجل
بس حاولي تتأقلمين وتعيشين
حياة طبيعية ولا تفكرين انك مذنبة
ولا تفكرين ان هذا الشي يضايق أختك
الله يرحمها ، أبدا ما يضايقها
ويمكن خير لعيال أختك تربيهم خالتهم
من أن تربيهم غريبة
الله يوفقك ولا تهتمين بكلام الناس
وشيلي فكرة الطلاق من راسك
أنتي ما سويتي ذنب ولا عصيتي ربك
تزوجتي بالحلال
الله يوفقك

اختي الغاليه الله يرحم اختك ويسكنها فسيح جناته
تأثرت جدا بقصتك وعورني قلبي عليك
بس ابد لاتفكري بالطلاق لانو شيء صعب جدا وبعدين واضح انو زوجك وكررها انو زوجك الان وليس زوج اختك انسان خلوق ومناسب لعمرك ومتفهم لوضعك وهذا واضح من ردو على ابوك فرجاء اختي الغاليه لاتفكري ابددددا في الطلاق وحاولي تتقبلي زوجك واهتمي غاليتي بأطفال اختك فهم امانه عندك وعوضيهم عن فقد امهم وان شاء الله مع الايام والعشرة راح تحبي زوجك وطنشي كلام اللناس وما راح يفيدك احد اذا تطلقتي سواء تطلقتي ولا راح يتكلموا وحاولي ماتخرجي مناسبات كثيره في هذا الفترة حتى تتقربي اكثر من زوجك واطفالك
الله يعينك حبيبتي ويسعدك مع زوجك ونسمع عنك الاخبار الطيبه وطمنينا عليك لاتكتبي وتختفي خلينا نطمن عليك
والدعاء ثم الدعاء فأن سهام الليل لاتخطئ
لن انساك من الدعاء بالتوفيق في حياتك

الله يغفر لاختك ويرحمها ويصبر قلوبكم

حبيبتي مسألة انك تتزوجين زوج اختك مافيها شي بالعكس تكسبين اجر في هالايتام وانتي احن عليهم من الغريبه
والحمدلله الرجال مو كبير يعني عمره مناسب..ومن كلامك عنه مبين ماشاء الله انه عاقل وناضج وهذا نادر ماتلقينه برجال هالزمن
بس توقيت الزواج صعب...تزوجتوا وانتم بمرحلة الصدمه مابعد استوعبتوا انها توفت الله يرحمها
لاتستعجلين وانا اختك وتطلبين الطلاق اخاف تندمين
ادعي ربك ليل نهار انه يسخركم لبعض...حاولي تتأقلمين مع حياتك الجديده واهتمي بعيال اختك وبدراستك وزوجك


وكلام الناس لايهمك انتي توك صغيره ومالك خبره بالحياة ...لو كان الرجال متزوج وحده ثانيه قالوا حرام وين خالتهم ماتزوجت زوج اختها اللي ابي اوصله لك ان الناس مهما سويتي ماراح تسلمين من انتقاداتهم وتعليقاتهم

الله يوفقك ويسعدك بحياتك

شوفي حبيبتي هذا مكتوب لك قبل ما تنولدين 500000 سنة
ومكتوب انك يتاخذين زوج اختك
لا اعتراض على حكم الله
يمكن خيره قال تعالى (وعسى ان تكره شيئا وهو خيرا لكم)
وعمرك موب صغير انا تزوجت وانا عمري 18 وعايشة حياتي الحمد لله
روحي لقسم الطبخ في عالم حواء وكل يوم تعلميلك اكلة بالاجازة لين تتقنين الطبخ
الله يكون بعونك
عجبني كلام سمسم 99 لانه نفس اللي كنت بقوله
الله يعينك حبيبتي ..
بعدين ليش تفكرين بالطلاق ؟؟
بالعكس هو شاف ردة فعلك وماحاول يتقرب لك بالعكس ماشاء الله
واضح عليه طيب وحنوون وعمرره جدا مناسب لك ..
واهله طيبين بعد ماظنتي راااح تلاقي مثلهم بهالوقت..
وفكري بعيال اختك مين راح يرعاهم بالنهايه ان طلقك بيتزوج غيرك
واكيد عياله معه وماتدرون بتكوون من اي نووع ممكن تنسيه عياله
ولا تستغربين ...اختي تقول رحت دورة حق علم النفس والاجتماع ومن هالنوع
لقيت ملف جرررايم واعتداءات من الابو على اولاده بسبب زوجة الاب..
بالعكس احتسبي الاجر علشااان اختتتك ..وعلشااان رعاية الايتااام فضله عظيييييم جدا
قال الرسول صلى الله وعليه وسلم ..فيما معنا
((أنا وكافل اليتيم في الجنه كهاتين واشار بالسبابه والوسطى ))
من يرررفض هالفضل العظيم ...
أنا عااارفه حبيبتي انك متاثره وماتنلامين ياقلبي
المفروض ابوك صبر على الاقل شهر لحد ماتروقون وتنسون ..
مدااام الرجال كووويس لاتشيلي همـ بس قولي له
ممكن اروح لاهلي شهر والحين كويس العطله ع الابواب منها تغيرين جو وتنسين شووي
وتجهزين لك كم من شغله حلووه ومرتبه تكشخين فيها وابدي حياااتك من جديد
واستانسي وابسطي زوجك و هالطفلين
والله ربي راااح يسعدك اذا نويتها لوجهه سبحانه ..
وطبعا لاتنسين الدعاء ..(( سهام الليل لا تخطي ولكن .. لها أمد وللأمد انقضاء )))
ايه صح !! اذا بغيتي تروحين لاهلك خلي زوجك يقوول لابوك
انه برغبته حاطك لان ابوك متسرع شكله << اسفه ع الجرأه ..

××××××××××××××××
وبالنسبه لكلام الناس اذن من طين واذن من عجين ...
وش بينفعونك الناس اذا اخذتي وااحد ماناسبك لاسمح الله
وش بينفعونك اذا تزوج زوجه جديده وعذبت اطفال اختك ..
ماعليييك منهم عيشي حيااااتك
وسوووي نفسسسك عااايشه سعيييده ومبسوووطه
عمتي قعدت تسمع كلام الناس هذا فيه وهذا مافيه
والحييين عنسسست والناس مافادوها تشمتوا فيها
×××××××××××××××

ولاتنسين انك بترضين والدينك عنك رضا الله من رضا الوالدين ...
والله هالنصااايح م كل قلبي ..ولو تكلمين مستشار اجتماعي احسن لك
اذا بيقنعك اكثر ...
حــــــراام عليكم بعض الحوائيات على طووول طلاق
نسيتوا انه هو ابغض الحلال صدق
هي ماانسجمت بس 4شهور تووها خالتي
تقوول اول 6شهور لادخل زوجي والله اني ارووح استفررغ
<<لاتقولون انها حامل لا بس غصب الواحد اذا ماانسجم يتعب
والحين عندها اولاد وبنات ولا بعضهم متخرجين من الجامعه ...

حبيبتي خووذي المسأله بهدوء وسكينه لاتتسرعين ..
بعض البنات شافوك مارتحتي قالوا تطلقي علشان مصلحتك
بس مدري وش بيفيدونك لاتطلقتي !!!

الله يسعدك دنيا واخره ويسخرك انت وزوجك لبعض

الله يرحم اختك ويغفرلها
حبيبتي انا مرة علي فترة مرضت فيها وخفت ان اترك الدنيا وعندي مولود وكنت مافكر الا فيه وقلت لزوجي اذا الله اخذ امانته ماتتزوج الا اختي لان كنت افكر بالمولود وكيف راح يعيش متشتت وماراح استامن عليه الامع اختي وانتي الحمدلله زوجك لسى صغير وان شاءالله انه يقدر الحياة الزوجيه بس انتي حاولي تنسين كل شي لان من نفسية الشخص يقدر يتكف اذا حابه تكوني سعيده او تعيسه لا تفكرين الا بنفسك وزوجك ابتسمي وغيري شكلك وخليك فرفوشه واذا قدرتي تسيبي الاولاد عند اهلهم وسافري كم يوم انتي وزوجك عشان تتعرفي عليه اكثر وصارحيه وتأسفي عن اللي حصل من صدك له واول حاجة تبدأي فيها لاتتركيه ينام لوحده حتى لوحاب هو خوذي فراشك ونامي معه وطلعي انتي وياه فرفشوا واضحكوا وصدقيني راح تتغير حياتك وتحمدي ربك انك اخذتيه ولا تلومين الوالد لانه كان يفكر بأولاد اختك ونصيحه مني اي شي يحصل بينكم حلو أو سيء مايطلع لا للقريب ولا البعيد وراح تعيشي بسعاده.
حبيبتي لاتفكري انه ماله رغبه فيك لان شاف هذا منك انتي فلو تقربتي منه راح تلاقي انسان اخر.
يارب يوفقك وتكتبي لنا اخبار حلوووووووووووووووووة