الله يرحم اختك ويغفر لها

والف مبروك زواجك


بس اصبري صدقيني انتم الى الان في حزن يبيلكم فترة وباذن الله بتروح الصدمة


وبيجي يوم وباذن الله بتحمدين ربك انك تزوجتيه

صدقيتي عيال اختك انتي اولى فيهم من حرمة غريبة

بس طمنينا عليك اول باول

لا حول ولا قوة الا بالله

الله يكون بعونك وييسر امرك

انتي حساسه ياقلبي لانك توك صغيره ياقلبي لو قدر الله ومت انا اتمنى اختي هي اللي تربي اولادي مافيه احن منها عليهم

ولو طرحتي هالسؤال على اختك قبل لاتموت لاجاوبك نفس الشي

ياحبيبتي الناس ماتشره عليك انتي بس متصوره كذا ممكن لو اخذتي زوجها بحياتها او طلقك علشانها

بالعكس انتي صاحبة موفق والله يكثر امثالك وانا مااقول علشان اطيب خاطرك لاااااااااااا هذي حقيقه لازم تعرفيها

خليك طبعيه مع زوجك ابدأي من الآن من اللحين وخليك عروس اربعه شهور مرت اللحين اهتمي بنفسك وباولاد اختك

ولاتطلين الطلاق ولا شي زوجك ممتاز والدليل اللي سواه معاك لاتضيعينه من ايدك وعمره حلوه بنسبه لك

الله يوفقك ياقلبي ويرزقك ويسهل امورك وبشرينا ولاتنسين ابعدي فكرة الطلاق

الله يهدي ابوك استعجل في الموضوع لو صبر شوي يمكن يكون اهون عليك لانك كنت مصدومه من موت اختك و زودها عليك بموضوع الزواج
لكن الحين اللي صار صار
حبيبتي زوجك صعب تلاقين مثله هذي الايام اتصوري هل اختك الله يرحمها بتكون راضيه عن طلاقك من زوجها وزواجه من وحده ثانيه وهو توه شاب لازم يتزوج
غير كذا لو تطلقت انت هل بتكونين مرتاحه وانت عارفه المطلقه في مجتمعنا وحتى لو اتزوجت المطلقه ما رح تتزوج الا كبير في السن او مطلق وعنده عيال وانا اشوف ان عيال اختك اولى
ما عليك من الناس الناس بيتكلمون اذا جلست مع زوجك واذا اتطلقت الناس مالهم الا الظاهر طنشيهم اهم شي انك راضيه ربك اولا وراضيه عن نفسك ثانيا
وترى الزواج قسمه ونصيب فكم من اثنين قعدو خاطبين فتر ماهي قصيره وملكو كما وبعدين اتفرقو وكم من اثنين كان زاوجهم من سابع المستحيلات زي حالتكم وتم سبحان الله
حبيبتي ارضي بنصيبك واحمدي الله ان زوجك مافي منه فمن رضي فله الرضا ومن سخط فله السخط
دائما خليك متزينه ومهتمه بنفسك واذا حاول زوجك يتكلم معاك او يتقرب منك لا تصدينه واتكلمي معاه بصراحه عن كل اللي في بالك وابداؤ حياتكم واهتمي بزوجك وحاولي تكسبين قلبه واهتمي بعيال اختك واكسبي الاجر فيهم بدل ما ابوهم يجيب لهم مرة اب غيرك وخلي الناس ورا ظهرك وشوفي انت ايش كاتبه في توقيعك بتكون البدايه صعبه شوي بس بعدين بتنسون كل شي وبتعيشون حياتكم عادي والحي ابقى من الميت على قولة اخواننا المصريين


ولا تنسين ان قدوتنا صلى الله عليه وسلم زوج حاحبه الذي تستحي منه الملائكه عثمان رضي الله عنه ابنته رقيه وبعد موتها زوجه ام كلثوم

وطمنينا عنك

والله انك نشميه وبنت رجال

صدقيني بيصير زوجك يبوس عالارض اللي تمشين عليها بس اصبري شوي لين ماتجلسون وتتعودون على بعض

انتي روعه وعاقله وحكيمه والف واحد يتمناك بهالدنيا

وسبحان الله كانت خطوبتك وزواجك بهالطريقه

لكن اتمنى امنيه ان كان زوجك واهله مقتدرين ماديا" يسوون لكم حفله مبسطه بمناسبة زواجكم وتلبسين فستان ابيض عشان تنبسطون

او تسويها اذا ربي قدر وحملتي وولدتي يسوون لك حفله

زبدة الكلام لازم تسوون حفله لكم سموها استقبال ..ذكرى زواج ..اللي تبون وصدقيني لتتقربون اكثر من بعض لأن لازم تسوون شي مفرح يجمعكم انتم الاثنين



وربي يسعدكم ويوفقكم