تزوجت عشان تطلع من بيت اهلها

خالتي تزوجت لتخلص من بيتهم لانهم كرهولها حياتها ولا كأنهم عيلة بس للأسف طاحت بزوج بخيل ويدخل بشغلات النسوان وحكيهم وطماع بس هي صابرة لانو جحيم زوجها ولانعيم اهلها

غالب الحالات اللي كذا
تطلع من حفرة وتطيح في دحديرة
يعني تخرج من مشاكل اهلها
تطيح بزوج اسوأ
اللي ماتقدر على مشاكل اهلها
وتتزوج اي احد
ماحتقدر تعيش مع زوجها
لأن شخصيتها تحب الهروب
واذا قدرت تهرب من مشاكل اهلها
فماحتقدر تهرب من زوجها وطباعه والحياة معاه
الأهل مهما كانت العيشة معاهم صعبة وكلها مشاكل
فهي ارحم بكثير من العيشة مع زوج سيء
الاهل بيجي يوم وتتزوج وتبعد عن هالمشاكل
لكن الزوج لو كان سيء
ياتتحمل
ياترجع لأهلها وترجع لنقطة الصفر لكن بلقب مطلقة

اذا جاء الشخص المناسب سواء كانوا الاهل سيئين او لا فالافضل الزواج
اما ان الوحدة تتزوج اي زواجة والسلام عشان تخلص من سوء الحياة مع الاهل فهذا صعب لان بيكون في ضحايا اخرين اذا كان الزوج سيء وهو الاطفال

لان اذا تطلقت بترجع لجحيم الاهل مو لوحدها ولكن مع عيالها

اللي ماخذه الزواج هروب من الاهل هذي مصيبه
لان بتروح للاسوأ بيكون اختيارها اي احد تمشية حال
الاهل مهما سووا بالنهايه يبقوا اهلك لكن يجي الغريب يهينك هذي المشكله
لازم الوحده تختار صح لان هذا الانسان بتقابله طول عمرها

انا تزوجت عشان اهرب من بيت اهلي وندمت قد شعر راسي والندم هد حيلي واكلني اكل وتدمرت حياتي كلها بسبب هالزواج
بعدين عرفت انو بعلم الطاقه والجذب وهذي الامور اللي تتزوج عشان تهرب من بيت اهلها مستحيل تتوفق غالباً راح يجيها زوج زي اهلها او فيه من صفات الاهل القويه اللي عشانها البنت قررت تتزوج عشان ترتاح