دامك حاطه في راسك انك ماحبيتيه صدقيني وضعك ماراح يتغير
شيلي التفكير السلبي من مخك وبتحبينه عيشي حياتك تمتعي معاه تدلعي البسي دلعيه مافي حب يجي بسرعه كل الي يتزوجون مايحبون الا بعد العشره انتي في احد لاعب في راسك او تبين تقلدين احد بشي
صدقيني اذا الرجال زين لا طيرينه من يدك ابد فكري زين انتي تمشين بطريق الخطأ
والله يوفقك

اذا الشاب اخلاقه جيدة وسمعتة طيبه
اعطي نفسك فرصه اكثر يعني كم شهر
واتفقي معه مافي علاقه فراش في هالفترة كأنكم لازلتو مملكين.
اذا هو حابك بيصبر ويتفهم وبيحاول يحببك في نفسه
اما اذا ماعندة استعداد يصبر اتركيه ولاتخافين من المجتمع مدام ماغلطتي وواثقه من نفسك وحاطه الله بين عيونك لان المجتمع مايرضيه شي
وانتي شيلي من بالك انك مغصوبه لان بصراحه من كلامك مااشوف انك مغصوبه. انتي كنتي متقبله انك تخوضي تجربه الزواج يعني مومغصوبه

ربي يسر امرك

 انتي انسانه جميله جدا واحساسك راااقي ونظرتك للزواج مو نظره تقليديه بحته تحبين تعيشين مع شريك حياتك قصة حب جميله وماودك ترخصين نفسك تبين تعطينه بحب مو لانه زوج والسلااام   ومن حقك هالشي وماحد بيلوومك
 لكن ليش ماتعطين زوجك مجاال وتفتحين قلبك له اكثر 
 بصرراحه زوجك رجال عاقل ومتفهم وشخصيته اعجبتني ورغم مصارحتك له الا انه تقبل كلامك وباين انه يحبك وشاريك يختي حبيه بالتدريج ترى مو كل حب يبدا بشكل مفاجئ وقوي فيه حب مجنون من اول كلمه واول نظره  وحب على نار هاديه تحسينه عاادي فالبدايه وراح تطور مشاعر الحب بينكم شوي شوي خليك صديقه له سولفي معه وخليه يطلع كل الي بقلبه افهميه اطلعو مع بعض  ماتدرين يمكن تتحول الصداقه والاعجاب الى حب وحب كبير بعد 
خلي اعجابك بشخصيته وموقفه الرجولي منك هي بداية الانطلااااق ماشالله عليه لو واحد ثاني كان ماهمه واخذ الي يبي طيب غصب لكن هو تفهم احساسك بصرااحه عجبني موقفه وشخصيته رجال عاقل وشاريك  وعحبتيني انتي بعد انسانه ماترخص نفسها وللمشاعر قدر عندها 
 عندي احساس انكم بتكونون ثنائي حلو هو بعقله وانتي بعاطفتك  وماودي تتفرقون صرراااحه الله  يهنيكم 
  
 

اذا ماحبيتيه وهو شاب طيب, كيف تحبين غييره خصوصا اذا تطلقتي فرصتك بالشاب العازب نااادره
اغلب الازواج عايشين بدون حب , اهم شيء يكون طيب ومحترم وكريم ....طيب فرضا خذتي اللي تحبينه واكتشفتي خيانته؟؟؟

الله يصلح اموركم ويكتبلكم اللي فيه الخير