تزوجت مسيار عشان نظرة الناس وكانت المفاجأة

كيفكم يابنات
هذه قصة وحده تزوجت ورزقها الله من زوجها سبع بنات وعاشت معاه اكثر من ٢٣ سنه كل فترة سنتين ثلاث تحمل وتجيب بنت وكانت بعد البنت الثالثة كل مرة تحمل تتمنى يجيها ولد وتكون بنت لين صاروا سبعة وعمرها مع اخر بنت ٣٩ سنة المهم يوم صارت عمرها ٤٣ مات زوجها الله يرحمه بحادث وجلست ببيتها مع بناتها بعد وفاته بسنتين كانت تفكر بالزواج طبيعي من حقها ولكن كل ماقالت لوحدة هالسالفة قالت من جدك بهالعمر ومعاك سبعة وتفكرين بالزواج استحي
المهم يوم حست انه ماحد تقدم لها وعمرها ٤٦ يعني الفرص شبه معدومة طلبت خطابة تدور لها مسيار وعنده بيت وماتبغى مصاريف ولا مبيت وبالفعل لقت وتزوجت وانبسطت مع زوجها
بعد سنه بالضبط اكتشفت انها حامل بغت تتجن ماحد يدري عن زواجها حتى بناتها وفكرت انها تروح لدكتورات تطلب اجهاض وعلى كثرة الدكتورات رفضوا اجراء الاجهاض لانه مافي سبب مقنع وصحتها كويسه فقالت لزوجها انها حامل وانها حاولت تتخلص من الحمل وماقدرت قالها بكيفك بس ماحد يدري بزواجنا والا بطلقك مباشرة قالت طيب وفي الوقت نفسه قالت بناتي لازم يدرون انا بنص الثالث وفترة بسيطة وبيبان البطن وش بقول وقتها طبعا جمعت بناتها وقالت لهم زعلوا مره خصوصا انه صار من دون علمهم واكثر اللي زعلوا بناتها الثنتين المتزوجات وفكروا ماعاد يزوروها
كانت متحطمة لاهي اللي راضي زوجها يعلن الزواج ولا بناتها راضين عنها وحامل وتعبانه
يوم وصلت السادس فكرت تعرف جنس الجنين طلع ولد بغت تتجنن من الفرحة بس خافت انه الدكتورة غلطت سوت الفحص في ثلاث مستشفيات كلهم اكدوا انها حامل بولد وقالت لهم الخبر والبنتين المتزوجات ارسلت لهم الخبر بالجوال فرحوا بناتها الخمسة انه بيصير عندهم اخ والبنتين تغيرت علاقتهم مع امهم لما دروا انه ولد ويقولون من زمان نفسنا في اخ صح انه بيكون قد عيالنا بس انه لك اخ شيء ماله مثيل وفعلا كان هالزواج هو السبب اللي حقق حلم الحرمة انه يجيها ولد مع انها ماكانت تتوقع انه يصير عندها ولد