تزوجت مسيار وندمت

مرحبا صبايا .... ***** الله تكوني بخير انا كتبت موضوع لي قبل هذا ابي مشورتكن بس للأسف ماحد رد علي ....


خواتي ارجوكن انا مالي الا انتن بعد الله انا تزوجت مسيار ورزقني الله ثلاث بنات ولله الحمد مشكلتي اني تعبت من زوجي ومن قل شوفته انا احبه جدا بقولكم قصتي من بدايته تحملوني شوي انا بنت مارزقني الله جمال ولا جسم ولا شي من الحلى ‘‘‘الحمدلله على كل حال‘‘‘‘ تزوجت بالاول رجل عمره بالخمسين ماتزوج ابدا بس ماقدرت أعيش معه كان وسخ بنفسه وملابسه وماله شخصيه مع زوجة ابوه تأخذ كل راتبه وامه متوفيه وهي الي ربته وظلمته وصار شبه انسان ماقدرت اتحمل الوضع وطلبت الطلاق ورفض الا برد مهره


ولاني يتيمه ومالي احد يساعدني من الاهل طلبت مساعده من اهل الخير وكان واحد منهم زوجي حاليا وساعدني بكل احترام وستر وارتحت من زوجي الأول
بعد فتره ممكن شهر او اكثر دق رقم على جوالي رديت بعد السلام عرفني بنفسه انه فلان الي ساعدني برد المهر وسالني كاني خلصت مشكلتي قلت له ايه وشكرته وانهيت المكالمه
من بكره أخطيت خطاء عمري ومن تفكير أرسلت له رساله اصبحه بالخير وامدح اخلاقه على طول رد علي واستمريت انا واياه نتراسل ونتكلم صح انه بحدود الادب والكلام المحترم بس للحق انا اعترف بغلطتي استمريت اكلمه سنه قال يبي يخطبني وخطبني بعد ماشافني بطل وانقطع عن المكالمات فترة أسبوعين كنت انا خلاص تعلقت به وحبيته رجع كلمني وقال يبي يتزوجني مسيار وافقت بس قلت بيني وبينك مابي اهلي يعرفون ممكن مايوافقون وهذا غلط ثاني بحياتي المهم زوجته كان فيه شوفة نفس وغرور وشايف انه اعلى مني بماله وجاهه بس مرات يكون طيب والحقيقه ان حبي له كان لو ابتسم بس بسمه احس اني ملكت الدنيا بالي فيهاوانا كنت اتصبر وأقول ابي اجيب عيال من هالغني ممكن يرفعوني وكنت اوهمه اني اخذ حبوب منع حمل راد الله وحملت مارفض الحمل ولا تقبله قالي لو كنتي تبين الحمل وتحتفظين بالجنين من حقك والحمد لله تم الحمل وجبت بنت زي العسل وضعه معي استمر بنفس الوضع بس كان للامانه يحب بنته ودايم يجيب لها أغراض والعاب ويلاعبها بالساعات وجبت ثانيه وثالثه ولله الحمد حياتي كانت ماشيه هو حاط لي بيت اجار ويصرف بس مو مره والسنه الحمد لله توظفت وصار لي راتب وهو ملتزم باجار البيت وجاب لي سواق وشغاله عشان البنات الحمد لله حياتي تحسنت من ناحية الاستقرار والأمان كثير بس من ناحية الانس واحساس ان لي زوج كنت متعذبه انا حاليا أعيش صراع حقيقي بين اني اتطلق او لا انا احبه جدا جدا جدا بس حاسه اني كاني من البنات حقات الشوارع حدود علاقتي به نص ساعه بعد أسبوعين الى شهر يقضي شهوته ويمشي بعد كذا مايرد على مكالماتي ولا حتى رسائلي بالواتس وادري ان له علاقات كثيره احس اني ضايعه بتقولون انتي الغلطانه من البدايه الي رضيتي بالمسيار الحق ماكان عندي خيارات شينه ومطلقه فرحت بس اني أخيرا بستقر ببيت خاص بي وبيجيني عيال يشيلوني بكبري ويمكن تقولون وصلي الخبر لزوجته بقول لكم مابي اضايقه او اخرب حياته انا كل هدفي كان أكون لي بيت وعائله من غير ماضر احد او اتسبب له بمشاكل انا فعلا محتاره اتطلق او لا ولو تطلقت تتوقعون برتاح او برجع للوحده وبندم على الأقل كنت اشوف زوجي كل شهر اعذروني على تداخل الكلام واللخبطه بس انا فعلا محتاره ودماغي ملخبط وضايعه الله يخليكن ابي نصيحه صادقه من قلب نصوح