أنـا :

لا للخلطات ب الراحه ي جميله تقولين مقزز و متزوجك للفراش ، كللللل الرجال متزوجين للفراش و باقي اليوم مع ربعه ولا بالدوام يدخل للفراش ويطلع للدوام بلاش تلميع ع فكرتك كل الزواج مقزز ، ما فيه رجال يتزوج عشان يجيب لنفسه حرمه تسولف ع راسه اصحابه كفايه و أكله و نظافة هدمه موجوده في بيت امه . يعني أتزوج للفراش زواج علني تقولي كيف لك قلبك تدخلي رجال بين بناتك ، من جدك تسألين زي ما كل وحده وزوجها يدخلون غرفة نومهم و أولادهم في الصاله هذيلا بناته هو أبوهم يعني المسكينه ذي ما دخلت ل غرفتها رجل غريب ولا خانت فراش أبوهم منطقك غريب المسكينه ما عرفت تشرح لكم فكرتها , وتورطت بكلمة مسيار الحكايه زواج مختصر بين أهلها زي أغلب البنات ألحين و رجل موثق زواجها شرعيا , و سامح لها بالخلفه , ويصرف عليها الحكايه أن زوجته ما تدري ( وأعتقد إن علم الزوجه مو شرط من شروط الزواج) بلاش تستخدموا ألفاظ توجع لأنكم تخيلتوا أن المتحدثه هي عدوتكم في الخفاء صاحبة الموضوع , و الله لو فتحتي البيوت الحين للمتزوجين زواج متكامل معلن بزوجه وحده تلاقين أنه ألعن من المسيار عمل زواج معلن للبنت ، للإهانه و الفراش فقط و العلاقه الشرعيه تكون مره كل شهرين ثلاثه مثل ما كثير بنات يشتكون في ذا المنتدئ وغيره أستمري في زواجك ، وحافظي ع جواهرك الثلاث وأسعدي نفسك بحب زوجك طالما هو قدرك

لا للخلطات ب الراحه ي جميله تقولين مقزز و متزوجك للفراش ، كللللل الرجال متزوجين للفراش و باقي...

لا للخلطات :

معليش ماودي ادخل مع احد في جدال لأن الموضوع حساس وواضحه اثاره على صاحبة الموضوع. بس حابة اقول لك فكرتك عن الزواج مشوهه ومثيرة للأشمئزاز. الزواج مودة ورحمة. مو جنس وبس! واذا هذا تفكيركم عن انفسكم - انكم خلقتوا لمتعة الرجل- فامااعرف وش اقول بصراحة!! وين تبغي الرجال يحترمك وانتي مو شايفة نفسك غير اداة متعة ووسيلة تفريغ شهوات ؟ بالله هذا اللي علموك اياه اهلك عن الزواج ؟ كل وحدة تتكلم عن محيطها ومجتمعها. اذا رجالكم ليل نهار مع ربعهم وفي الاستراحات ولا يعرفونكم الا وقت الفراش ويعطونكم ظهورهم فهذي مشكلتكم. الحمدلله رجالنا مالهم الا البيت ومسئولياته ولا يعرفون استراحات نهائيا والولد عندنا من يتزوج يصير ماله شغله غير بيته ومتطلبات بيته. وقبل الزواج معودينه على المسئوليه ما غير يخدم امه ويراعي شئون اهله وع فكرة كثرة العلاقة الزوجية ماهي مقياس لمحبة الزوجة او مكانتها في قلب زوجها. ولا حتى الخلفة والصرف على البنات. ممكن يكون تورط فيها يوم حملت وش بيسوي يعني بينكر نسب البنات له؟ والا ما بيصرف عليهم. غصب عنه يصرف هذا واجبه مو كرم منه ولا له منة. مو عشان كم خسيس ما يصرف على اطفاله اللي من المسيار صار اللي يصرف هو المثل والقدوة واللي مافي منه! يكفيك انه ما يعرفها الا وقت طقته الشهوة عشان يبان لك ان الموضوع مقزز. ويكفي شعور صاحبة الموضوع لنفسها كل ما سير عليها دقايق وطلع, وهالشعور اللي تحسين فيه يا اختي ما جاء من فراغ. والأمر بيدك يستمر هالوضع او يتغير. اما قصدي دخول الرجال لغرفة النوم وسط بناته, انا عارفة انه ابوهم بس بالله اي ابوة واي حياة عايشينها هالبنات اللي ما يعرفون الابو الا كرجل غريب يقصد امهم فقط للفراش؟ بكرا بناتها بيدخلوا المدارس كيف بيقابلوا الناس وهم ماعرفوا ابو ولا العائلة ولا الحياة المستقرة, مين بيتزوجهم, ولو تزوجوا هل بيحترموهم رجالهم؟,هل بيكون للبنات كرامة واحترام لنفسهم وهم ما تربوا على هالشي وامهم مثال قدام عينهم؟ وع فكرة كلامي ماهو من باب اني حطيت نفسي مكان الزوجة الغافلة المخدوعة, مع انو مافيه خطأ لو حطيت نفسي مكانها, بالعكس ما كتبت الا حاطة نفسي مكان صاحبة الموضوع وكرامتي لا يمكن تسمح لي ان ارضى بوضع مثل وضعها. وهذي مو شماته او تريقة. بالعكس اتمنى انها تصحى ع حالها وترفض المذلة والوضع المهين هذا.

معليش ماودي ادخل مع احد في جدال لأن الموضوع حساس وواضحه اثاره على صاحبة الموضوع. بس حابة اقول...