تزوجت نظر عيني ... الله يسعدها

السلام عليكم ورحمة الله وبركاته


كل عام وانتم بخير وسعادة ..............وعيدكم سعيد

اخواتي الغاليات جيتكم اليوم افضفض واسمع دعواتكم ونصائحكم الحلوه

يمكن الكثير عرفيني من مشاركاتي وصار لي فتره شغلي الشاغل فرح اختي الحبيبة


المهم

اختي ربيتها انا بيني وبينها با لعمر 10 سنوات واحنا وحيدات امي لنا اخوان و خوات من أب

انا تزوجت بدري وعمري 13 سنة وتوفى زوجي وعشت انا وبناتي مع امي واختي


ومترابطين (( ما شاء الله تبارك الله)) لدرجة كبيرة اختي هي قلبي وعمري وعيني وحياتي






طولت معليش

يابنات من يوم انخطبت وانا اجهز لفرحها بكل ما املك ماديا ومعنويا وفرحانه
ماتتخيلون لأنها يتيمه ونفسي تتزوج من يعوضها حنان الاب ولا ماديا وانا عايشه ماراح تحتاج لأحد حتى بعد زواجها

يابنات كل ما اقترب زواجها كل ما حزنت بقدر فرحي على فرقاها موطايقة احد يكلمني واجلس لحالي ابكي حتى احس نفس بتطلع

واتخيل سريرها فاضي واحس بموت

وجا فرحها الناس فرحانه وانا مكياجي صار خرايط ما قدرت اتحمل دموعي سيول

واليوم لها اربع ايام من تزوجت وانا احس بفراغ بحياتي ونفسي اكلمها كل شوي بس اقول لا يقول الرجل شوهذي

تراني اكتب ودموعي مغرقتني

لوتاخرت ماردت على الجوال جتني وساوس وهموم
الله يحفظها ويسعدها قولوا امين


والآن اقول كيف راح اعيش لوزوجت بناتي كمان الي ضحيت بشبابي علشانهم
لا تقولوا تزوجي اقولكم مستحيل عهد مااتزوج حتى القى زوجي بالجنة

في الآخير موضوعي مجرد فضفضة دعواتكم لي ولكل احبابي