تزوجت ولكن؟

بنات انا متزوجه تقريبا لي خمسه شهور من اول يوم في زواجي وانا اشوف زوجي تصرفاته غريبه
يعني لو نمت ينام ويخلي رجله علي عشان لاتحركت من مكاني يحس فيني ، وين بروح واذا صحيت وجلست في المجلس يجي يدور في المجلس يقول وش عندك ؟؟؟؟ ويتلفت يمين ويسار ؟ يحسب ان معي شي مخبيته؟
احس الشك ذابحه على اتفه سبب ماادري على وشو
يطلع ويقفل الباب من برى ويآخذ المفتاح ، وتارك لي نسخه ثانيه على رف ، يوم من الايام دخل والمفتاح متحرك من مكانه جاء يمي وعصب وقال وين طلعتي ! وليش فتحتي الباب ! < قلت له والله ماطلعت ولا فتحت الباب قال كذابه شوفي المفتاح انا حطيته هنا وش اللي جابه هنا !! قلت له كنت انظف وتحرك من مكانه !!

غير شكه بالجوال اربعه وعشرين ساعه يفتش فيه اذا طلع برى البيت يجلس يرن علي رنه ويسكر كل خمس دقايق واذا دقيت عليه قالي مادقيت ولا رنيت يمكن لحاله دق !!! << مشيتها له

واذا دق وانا اكلم ( أختي ) يعصب ويقولي ليه ماسكه خط ووو ، وانا مالي الا 3 دقايق اكلمها بس ،
يرجع البيت يعصب ويفتش الجوال .. عشان يتأكد

تعبت كل شوي مشاكل شكاك لابعد الحدود واذا سألته شايف علي شي ، يقولي لو شفت مابتقعدين عندي دقيقه وحده ، يكره الجوال لابعد الحدود كنت ابي بلاك بيري ومنعني منه قال هذا حق ............!! < مو ضروري اوضح

كل تفكيره ان الجوالات حق مغازل ، قال اصلا مو ضروري الجوال معك

منعني من صديقاتي كلهم وغير لي رقمي 3 مرات وكل مره فيها يمسح لي الارقام اللي مسجله بالجهاز يقول ماله داعي صديقاتك وياويلك لو تكلمين أحد < يقول انهم يعلموني عليه !
جات اختي مره وركبت لي المسن في الجوال ، يوم فتش جوالي قلب الدنيا على راسي وقالي احذفيه قلت له مافيه شي قال انا قلت امسحيه انا طنشته قعد يومين مايكلمني عشان سالفه مسن ، قلت له لو انا ماسكه الجوال بيدي على طول لك حق تتكلم لكن تشوفني لا امسكه ولا اكلم فيه أحد حتى اهلي يكفي مالك حق قام قالي يا أنا ياالجوال قلت جوالي واظن سبق وابوي حذرك وقالك مالك شغل بجوالها لكن مافي فايده شكه بزيآده ،

لدرجه اني مره سجلت رقم بنت عمي بإسم عناد < عيارتها
قام اخذ الجوال ومارضى يطلعه لي يقول كاتبه عناد يعني عناد فيني !!<< مدري وش يحس فيه ّ


حتى الروحه عند امي لو قلت له بروح ( يعصب ) ويرفض كأني بروح بيد دعاره مو بيت اهلي واذا رحت يدخل المجلس ويقولي اجلسي هنا ياويلك لو تدخلين داخل ، ونقعد ربع ساعه ونمشي !!
واخر مره تهاوشت انا وهو قالي اصلا ابوك ماعرف يربيكم !!! < قلت لابوي بس وقتها قال ابوي لمن ارجع من السفر بتفاهم معاه ..

يكفي انه مايصرف علي ومااخذ راتبي كله حتى رصيدي في البنك سحبه واذا قلت له ابي شي يعصب ويقول ماله داعي ( حتى لو كان شي ضروري ) عنده نافه اهم شي مايدفع من جيبه ريال واذا انا طلبته شي قالي ( هاتي فلوس اجيبه لك ) محسوب علي زوج ع الفاضي

يقول انا لو فكرت اجيب لك اجيب ، انا ابي وابي وابي هذي مو عندي انا
تعبت يبيني بس انظف واشتغل في البيت ، اذا وانا ع اللاب دخل يفتشه ، ومايشوف الا حواء < يقول لاتدخلينه يعلمونك اشياء مو زينه ، معليش يااخواتي بس والله من حرتي قاهرني فاهم ان الناس كلهم مو زينين الا هو وطريقه تفكيره صح

تعبت ساعات اقول خلاص مااعاد اقدر اتحمله طول عمري كذا شك في شك مااقدر

امي مسافره تقول لاختي خليها ترجع البيت عشان يتأدب


لان كل مره يقول البسي بوديك عند اهلك < طبعا اذا عصب
اقوله ماني طالعه تبي تطلع اطلع انت قام قالي ( فار الوادي طلع فار البيت ) مدري وش يقصد فيها


بنات تكون هذا جزء بس من حياتي اليوميه طفشت وانا بعدني عروس
تعبت اكرهه من اعماق قلبي وربي هو اللي كرهني فيه بتصرفاته قبل الزواج ماكان كذا

اصلا يقولي انا تزوجتك تحدي بس ، ساعات احبك وساعات مااطيق اشوفك :44: مايدري اني ابي اذبحه ولا ني طايقته
يكفي منعني من كل شي حلو بحياتي يبيني مثل العجوز بس لااكشخ ولا البس ولا اقول ابي هذا بس انظف واطيخ واقعد ساكته واقوله سمعا وطاعه بس



شورور علي ياغاليات اخوي يقولي ارجعي البيت وتطلقي منه هذا مريض نفسي

وامي تقول اصبري لو زان الوضع والا خليه يتوكل على الله ويذلف !

تعبت :44: