تزوجت وياليتني ماتزوجت😢

السلام عليكم ورحمة الله
اخواتي تزوجت وانا كنت مطلقة وعندي بنت وكنت ارفض الزواج لين تكبر بنتي
اخذت متزوج وزوجته الاولى عادي عندها وطيبة واخلاق
ووافقت ع هالاساس لان عنده عمل بالمدينة اللي اعيش فيها ويحتاج زوجة هنا
ويتنقل مابين المدينة اللي اعيش فيها والمدينة اللي اهله وعياله فيها
سألنا زيييين والكل مدحه
جاب لي بيت استاجر لي دور وسواق وقريب من اخوي
وبنتي معاي شرطت هالشرط
وابوها مو سائل فيها
اكتشفت عن زوجي انه طلع مطلق اربع مرات قبلي وفي ثلاث منهم عندهم عيال منه!!
ومتاكده انه طلق غير ذول
لان هذول عندهم اطفال منه كل وحده طفل
ويمكن طلق غيرهم من دون اطفال
دااارت بي الدنيا وكأن مصيبة نزلت علي وانصدمت وحسيت اني مع انسان غييييير وثقت فيه وطلع مخبي كل هالطلاقات
واجهته قالي مالك شغل فيهم كل وحده لها ظروفها ولاتشغلين نفسك باحد
ورفض يقولي اي تفاصيل
كررهته يابنات
ورحت لاهلي وطلبت الطلاق لاني كنت مع مخادع
ورفض يطلق يقول لاهلي انا شاريها وش عليها من اللي طلقتهم
مصدومه منه
واهلي منهم يقول معاك حق
ومنهم اللي يقول خليه زوج يقوم فيك بس وأمني نفسك ماديا وجيبي طفل ولاعليك منه
انا ماقدرت
ليه الغش والخداع ع الحريم سهل!
ميزته عشان ماظلمه انه كريم جدا جدا معاي ومع اهلي وبنتي
لو كنتوا مكاني اشش رايكم يالحكيمات والمجربات