تزوج عليها بالسر علشان؟؟؟؟؟؟؟؟؟؟؟؟تدرون شو؟؟؟؟؟؟

هلا خواتي العزيزات
حبيت أطرح لكم مشلكة من مشكلات الحياة لكن هالمشكلة تخص وحدة من رفيجاتي الله يصبرها وينور دربها........باختصار شديد هالبنت متزوجة وعندها بنت وولد وما شاء الله سعيدة في حياتها وبعد مرور 6 سنوات على زواجها السعيد تخيلووووووووو بشو تفاجئت ؟؟؟؟؟؟؟؟ مع الأسف ريلها طلع متزوج عليها بالسر !!!!!!!!!! لا وبعد عنده من الثانية ولد .......أكيد بتقولون كيف ما حست عليه؟؟؟؟؟؟؟؟؟؟؟
لأن الحبيب دوم عندها في البيت حتى تخيلوا إنه يكون موجود الساعة 10و10 ونص في البيت!!!
وطبعا يوم استوت المواجهة بينها وبين ريلها خبرها إنه مستحيل يعيش من دونها ولو طلبت الطلااااق مستحيل يطلقها وأهو خل الزواج سري خوفا لمشاعرها وما يبى أي أحد يجرح شعورها أو يشمت فيها
وطبعا هي أصرت عالطلاق أو يختار مابين الثنتين بس هو رفض يطلق الثانية لأنه يشوف ما لها ذنب في اللي حصل خاصة هو مسكننها في بيت أهلها وا ييها غير مرةأ مرتين في الشهر ..........وأن سبب زواجه مب نقص فيها بالعكس هووااااااايد مرتاح معاها لأنها هي وااايد طيبة وعسووووولة ...بس لأنه حاب يكون عنده بيتين؟؟؟؟؟؟؟؟؟؟؟؟شي غريب
رغم إني أشوفها مذنبة لأنها ( خذت ريال متزوج وبدون علم زوجته ووأهله وهاي الطامةالكبرى !!!)
وبعد كل محاولات الزوج وإقناع أهلها لها ردت البيت ............
شو رايكم الحين فالقصة مب حرام عليه يهدم بيته علشان بس يبي يكون له بيتين!!!!!!!!!!!!!
لو كنت مكان ربيعتي جان سويت العجب في ريلي وزوجته ماخليتهم يرقدون الليل

الله يعينها ويعين كل وحدة مظلومة في هاي الدنيا