الله يسلمكم ويعطيكم العافيه جميعاً ويصبرني على ما ابتلاني ويعوضني بعيالي انا كنت محتاجه افضفض لاني احس اني على حافة الإنهيار والله يابنات شعور عظيم ما اقدر اوصفه ولاتعبر عنه الكلمات شعور بالظلم والقهر وخيبة الأمل وما اقدر اشكي لأمي علشان لا اتعب نفسيتها حرمه كبيره وعندها القولون لكن احس إني قاعده آكل في نفسي
ملاحظه (الاخوات اللي قاعدين يكتبون سنيه وشيعيه مو معناة اني استشهد ت وبقول الخليفه علي اني شيعيه وبعدين هل السنه يكرهون سيدنا علي ويحبون سيدنا عمر كبروا عقولكم واصلا طول عمرنا من وحنا صغار حتى بالمدرسه كانوا يقولون لنا علي كرم الله وجهه لانه لم يسجد لصنمٍ قط الله يجعلنا من المتبعين لسنته واللي كنت اقصده هو الاستشهاد بالبيت يعني فعلاً لازم يعتدل في الحب علشان ماينصدم يوماً ما زي اللي صار معي لاني احس بتجيني جلطه لأني أحبه بجنون وما استوعبت اللي سواه فيني يااااااارب تهون علي يااااااارب


تم الإرسال بواسطة iPhone بإستخدام منتدى عالم حواء

ابسطيه بالفراش ابسطيه بالفراش هذا همكم !!
ليه ماقلتوا استقلي بنفسك عيشي فلي حياتك لك
انهرتي ياحبيبتي لانك كنتي حاطه الامل فيه وخاب
انهرتي لانه كان محور حياتك ماكان لحياتك هدف غيره
صح موجعه لكن درس لك
الرجل ماينحن فيه ابدا وانا من المجربات
فلوس مامعه يدبر راسه كذا يقدرك
طفران مو مشكلتي يصرف بيته لو انا بنت الراجحي
رجال هالايام يشوف حنانك عليه خوف من انه يتزوج
هذاه طق المره عليك من ضعيف مامعه شي
مسكين تعبان
وهاتك ياطبخ ونفخ وليالي ملاح وهو وش قدم لي ؟
انتي الان في فورة غضب
اهدي وارجعي بيتك برضوه تمصين دمه بها عالاقل
وتبردين لو شوي من حرتك
لاتقولي كرامتي ومدري وش لا صدقيني بينبسط يومين بالثانيه وبيرد لك انتي الاصل
عيالك لاتضيعينهم حرام سته وش ذنبهم خليه خيشة باب وشغلي كيد الحريم صح وبطلي حنان زايد
الان فكري بنفسك بس كوني انانيه قد ماتقدرين والا صدقيني بتاخذه الثانيه وبيستغني

علي حياتي / بدعه قول علي كرم الله وجهه ( علي رضي الله عنه ) المبتدعه او الروافض هم اللي يقولون كرم الله وجه يمكن ب مدرستكم جهله . والاستشهاد اللي جايبته ضعيف !

* واللي تقول ليش ماتقولون عمر رضي الله عنه سلامات يااختي بغض النظر انو الكلام اللي جايبته ضعيف مو شرط عمر رضي الله لحاله يقول كلام وعلي لا ! الحين الروافض يحسبونا نعبد عمر رضي الله عنه ؟ كله منك جايه مدرعمه ولا لك بالمذاهب معرفه او معلومه
بعدين متى عمر رضي الله عنه وارضاه نقوله ( عليه الصلاة والسلام )
الله يصلح حالنا وحالك الدين يبي له تثبت وكلام مو من الراس

الله يهديكم حرام عليكم
من زمان ويقولوا علي كرم الله وجهه
ما عرفنا اﻻ من قريب
بطلوا سوء الظن

كالعادة البنات يطلعون من الموضوع الاساسي فعلا اول مرة اعرف انها بدعة ياربي من يومنا عادي نقولها ولو هي شيعية مايحق لها تكتب موضوع!! صاحبة الموضوع الله يفرج همك يارب ويبرد على قلبك ولاتندمين على حبك له اكيد تحبينه قضيتي معاه عشرين سنة هذا عمر الله يجعل زواجه برد وسلام عليك