الله يصبرك ويربط على قلبك والله رجعت لملفك وقريت موضوعك الله يكون بعونك ويسخر لك زوجك
بس ممكن اسالك ايش كانت شروطك له وهل نفذها
وزواجه اعلنه والناس عرفوا وايش ردت فعل اهله

اختي الله يصبرك والزواج شرع الله شرعه لحكمه قد نجهلها

ونصيحه لا تبعدينه عنكم بعد ماتهدئين بتندمين على هذا القرار
وتتحسرين وتقولي ليش تركته لها وهو توه متزوجها 
إنتي معه سنين لوحدك  والحين معك شريكه وتقاسمك فيه
إِيش الاصعب عليك
هيه الان نفس وضعك تشعر بالغيرة ان فيه من يقاسمها 
عاد شوفي اذا تركتيه لها كيف السعادة الي بتهل عليها 
وبعدين إنتي تندمين على هذا القرار
الا خليه يجي بيومك وليلتك وإذا حاسه بالحسره والغيره المؤلمه
إقنعي نفسك انه يجي عشان الأولاد أكرميه اكرام الضيف 
وخلي اهتمامك بنفسك وأولادك  أسعدي نفسك بنفسك 
شفي هوياتك اطلع كوني صداقات
اشغلي وقتك بطاعة ربك واستعدي لرمضان من الان 

وأجلسي مع زوجك جلسه مصارحه وقولي له بكل هدوء انه اذا صار عندكم 
انها لا تكلم ولا ترسل هذا وقتكم ولها وقتها 
وأيام وتعدي هناك مقوله ان الحزن لأيدوم اكثر من أربعين يوم 
مادامك بصحتك إنتي وأولادك هذي وحدها نعمه 
تستحق ان تسعدي بها 
 

للأسف شروطي وعد ينفذها ولكن مأسواها كلها
كان أولها بيت باسمي لي واولادي
واهله ولا احد صدقني يوم قلت لهم تزوج
يقولون كنتي مدلعته و شايلتيه من الارض شيل مو معقول يتزوج
زواجه مخفي الين علمت أهله و اهلي
بس هم اللي يدرون ولا احد يدري
اليوم يابنات ولدي مرض
واتصلت عليه اكثر من 10 مرات ما يرد عليا لانه بايت عندها
وارجع أخذ السواق شايل ولدي وعلى المستشفى
والساعة 11 الى هو جاي يقول رمى جواله بعيد ونام
والله يابنات عندي ينام ويحط الجوال تحت المخده
وإذا ماحصله ينط يدوره اصحى عليه مفجوع يدور التلفون
زوجي تعلق بيها
ربي يسخره لي ولأولادي
وعندي رب وكلته امري

 الله يعينك ويشفي ولدك
فتره وتعدي هو متعلق فيهاعشان توه متزوج
تذكري اول ايام زواجك مثل ماطار بك ومع الزمن والعشره طار كل شي
او مثلا لو اشتريتي شي جديد فستان ولا جوال في البدايه 
بتهتمين وتحافظي عليه وبعد فتره تغيرينها ولا لا
وانتي معك ميزه الزمن والعشرة
كوني ذكيه واستغلي وقتك في شي يفيدك للمستقبل
ابحثي في ألِنت اقري وشوفي مقاطع تقوي عزيمتك 
والزمن كفيل بمداوات جراحك كان الله في عونك

يا قلبي الله يخلي لك عيالك وتشوفين عافيتهم وبرهم لا تقولين الله يسخره لي قولي الله يطمن قلبي ويملأه سرور وفرح ياما وحده مزيونه ومدلعه زوجها وتزوج هذي من الابتلاءات اللي يتعرض لها الانسان والحمدلله ما دخلت عليه بالحرام المهم عيشي حياتك هادئه مادامت بعيده عنك ويومك حافظي عليه عشانك وعشان عيالك