تزوج وحده واطلعت مريضه توهق ياعمري

السلام عليكم ورحمة الله وبركاتوا.............صلوا على النبي عليه الصلاة والسلام
بقولكم مشكلة واحد من اقاربنا:arb: تزوج على زوجته وله اسبابه الخاصه بس ياعمري توهق اخذوحده بنت عمرها تقريبا 34سنه يقول حسيت انها مو طبيعيه من صباحية العرس وحتى بشهر العسل تجلس بالفراش ماتقوم وهي مافيها نوم امفتحه عيونها يقولها قومي وهي ماتبي يقول افطر واتقهوى لحالي وهي مو مهتمه تتكلم مع نفسها تنسى بشكل مو طبيعي اقولها سوي كذا وجيت ماالقاه مسويه اللي انا وصيتها عليه واذاقلت لها ليش ماسويتي تقول مدري انت قلت لي شي وماتخليه ينام بالليل لانها هي ماتنام بالليل يقول مااكمل 10دقايق الاوهي طاااااااااابه علي بشكل مخيف وتصحيني وتجلس تضحك بصوت عالي وبعدين تصيح:44:واحيانن تضرب زوجها بكل قوه مع ظهره تجي من وراه بدون مايدري وتضربه بعدين تطيح على رجوله وتصيح:icon33:هو مره متضايق مايدري وش يسوي طبعن يتعامل معاها برحمه يقول مايطاوعني قلبي اطلقها مالها ذنب بمرضها واخاف من العقوبه من رب العالمين حتى كانها تسمع اصوات اذا صارت لحالها بالبيت تدق عليه وتقول في اصوات فوق وماتنام الا وهي امشغله التلفزيون وتعلي صوته
موحاسه انها متزوجه نهائي ماتغار على زوجاها ابد واذاجاب لها هديه ماتفرح ولا تشكره وهو مقهور
اذكر وحده من البنات نزلت موضوع تقول اختي حالتها غريبه نسيت اسم العضوه عرفتوها تقريبا بفس حالتها وانتم قلتوا هذي عندها انفصام بالشخصيه تتوقعون كذا
هي تحظر المناسبات واشوفها طبيعيه استغربت يوم قالوا انها مهب طبيعيه يعني مو باين
طيب سؤالي الحاله اللي كذا يكون فيهم مس ؟يعني مرض انفصام الشخصيه يرتبط معاه مس او لا؟
جاوبوني عن حالتها يمكن احد يعرف عن الامراض النفسيه لان زوجها مايدري وش السالفه ولا وين يروح وين يجي واهلها مومهتمين وهم غشوه الله يهديهم الله يسعدكم ويحقق اللي ابالكم ويفرج لكل مكروبه ويحقق امانيكم