تزوج وسكتت وجا ضربني علشان زوجته وانا حامل .......ادخلو بسرعه وعطوني الشور

تزوج زوجي من خمس شهور وانا حامل من يوم تزوج وضايقه فيني الوسيعه بس احاول اداري واطنش علشان مااخرب بيتي ..امس بالليل كان مداوم دخل الواتس ولقاني متصله وهو مايحب اني ادخل بالليل وانا كنت صاحيه على كابوس وضايقه فيني الدنيا ابي احد اشكي له ويسمعني وكنت اكلم اختي المهم دق علي وقالي ليش متصله في نص الليل ومادري ايش قلت له متضايقه وابي احد اشكي له قال مايبي اعذار واتهاوشنا لأن نفسيتي دمار وقت له انا على الواتس مو في الشارع ومع اهلي مو مع اغراب اتلفظ بكلام جارح مرررره وقلت له مو ضروري نستمر مع بعض دامه عايفني وقلت له مثل ماتخش زوجته في انصاص الليالي انا ماراح يمنعني طبعا هو كذا عرف انو عندي رقم زوجته وقال احذفي الواتس ولو جيت لقيته بكسره على راسك ومن هالكلام المهم حذفته وجلست لين جا من العمل قالي هاتي الجوال اخذه وفتشه وطلع رقم زوجته وقالي من وين لك الرقم تراقبين بنت الناس وانتي فيك وفيك واساسا جاها ازعاج اكيد انتي موزعه رقمها على شباب وبرح لأخوانك اتفاهم معهم قلت دامها وصلت لكذا اجمع كل رجال العيله وعلمهم ونشوف الحق مع مين هنا هاج علي وضربني واهانني تخيلو فسخ الجزمه ويقولي اجلسي وكنت اتحسب عليه يعطيني كف ويسكتني وربي كني عبده تحت رحمته ولسى يدور على حاجه يضربني فيها انا هنا خفت على اللي في بطني وقمت اترجاه اتركني لوجه الله وانا ماسويت لك شي وابوس رجولك وانواع المذله وانا حامل ولاتقتلني هو هنا انصدم وقام يهديني وانا ثرت وبكيت بهستيريه ومابي يلمسني وانواع الاكشن وربي الحين اكتب التفاصيل ودموعي تجري ماني قادره اصدق سوى كذا بعدين قام يعتذر ويحب رجولي ويبكي قلت له مابي اعتذار ولا شي ودني عند اهلي وخلاص ورفض وبطلوع الروح جابني عند اهلي وقلت له بريح واستوعب اللي صار وقلت له بقول لهم انو بيسافر علشان اخذ قراري لحالي والحين قبل شوي دق على امي وصوته رايح ويقول له قلبه يعوره وتعبان حيل ماهو قادر يقوم من مكانه وامي خافت عليه تقوله بصحيها واخلي اخوها يجيبها مع العلم انو اهلي مايدرون انه تزوج تكفون شورو علي وش اسوي انا مقفله جوالاتي ولا راضيه اكلمه وجااس يرسل رسايل اعتذار بس مالها اي معنا عندي .....انتظركم تكفون ابي ردود حكيمه عندي بنتين وحامل بالثالثفي الشهر الخامس وش اسوي .......سوري على ركاكه ااموضوع بس وربي من اللي فيني