بعد طول غياب رمضان وشوال
وانا قلبي معاكم والله بس ظروفي الصراحة كانت مرة مش في صالحي
وماكنت قادرة حتى اني اكتب ردود حق البنات
ربي يعينا
مجموعة اعمال كان خاطري اعرضها عليكم من زمان بس ماقدرت
وها اليوم ان شاء ربي يصلح الحال ونعود مثل ماكنا متواصلين
هذا عمل بسيط
حبيت انكم تشوفونه وتعطوني رايكم فيه
جذوع الشجر ....واحين يامكثر البيوت المترسة ......... (( عشان التدفئة ))
احتجت لهذا العمل
جذوع شجر
صبغ رش ذهبي
قطع قماش (( تور )) تقدرين تستبدلينه باوركانزا او دانتيل
وروود صناعية واوراق
مسدس شمع للصق
وماننسى المنشار لتقطيع الجذوع
اول شي دخلت الزراعة طبعا واخترت الاغصان الي فيها فروع كثيرة
عاد ماصورت وانا اقطع في ها الاغصان الصراحة العمل كان شاق
وبعدين جهزت لي كم غصن
وصبغتهم بصبغ رش ذهبي
واخذت التور ولفيته على الغصن بها الطريقة
بس للحين ماحطيت وروود لان التور لونه بني ومش عارفة أي لون اختار من الازهار
وهذا عمل ثاني لفيت الغصن بتور احمر ولصقت عليه ورود حمرا
وهذا عمل ثالث تور وردي وورود وردية
في اغصن ثانية عندي كبيرة وايد بس للحين ماسويت فيها شيء
بس اقدر اعطيكم بعض الافكار لها
1 _تقدرين تاخذين جرة وتملينها حصى صغير وتغرسين فيها الجذع ويكون فيه اغصان متفرعة
وتقدرين تلفين الجذع بالأوراق الخضرا الصناعية وتزينينه ببعض الوروود
2 _وبعد تقدرين تسوينه كشمعدان بحيث تلصقين بعض الشموع الصغيرة عليه
والازهار
3_ وتقدرين تاخذين جذع كبير بحيث تقدرين تحطينه في ركن من اركان الغرفة بحيث يكون نائم
يعني شكله مقوس (( مثل قوس قزح )) ادري حلوو التشبيه
وتعلقين عليه جرات صغيرة اما تحطين فيه وروود صناعية
او النباتات الطبيعية المتسلقة اللى تقدرين تحطينها داخل الغرف
وسلامت راسكم
والسموووووحة