تزييت مكينة سنجر

السلام عليكم ... طريقة تزييتها هي بوضع الزيت عند فتحة المكوك في اغلب المكائن و كذلك في المكان اللي تعبين فيه المكوك

و لازم تزيتينها كل ما حسيتي انها صارت قوية او صوتها مزعج ...

اذا تستعمليها دائما لازم مره بالشهر تتزيت وتتشحم اذا كانت النوع القديم
اما الانواع الجديده ما تتزيد لان الغطاء من فوق ما تقدرين تفتحيه كله

اما المكاين القديمه يكون بالجهه العلويه براغي تفتحيهم هم يمكن 4 او 5 براغي
من تفتحيهم بينشغال الغطاء العلوي كله
هنا ركبي المكينه بالكهرباء وشغليها شوي شوي بدون خيط وابره طبعا
وكلما شفتي شي يتحرك زيتيه يعني كل الفرامل والقابضات الفوق تتزيت كل شي يتحرك
بعدها رجعي الغطاء وافتحي الجنب الايسر هو يكون مرات يتحرك يعني يفتح ويغلق عادي بدون براغي وبعضه المكائن لازم فتح براغي
بعد افتحيه وشغلي المكينه بهدوء وكل شي يتحرك حطي عليه قطرات زيت
اما جهه المكوك شيلي الابره وهم شغلي المكينه بهدوء وحطي عليها زيت من فوق لا تفتحيها لان فتحها صعب هذه ومو كل واحد يقدر يركبها من جديد شغلي المكينه وحطي قطرات من الجهه الشفليه للابره يعني على المكان الي تدخل بيه الابره وكم قطره بعد على المكوك
واتركي المكينه يومين بدون شغل ابد غطيها واتركيها بس حطي تحتها جرايد لان تذب زيت
بعد هل يومين امسحيها زين بقطعه قماش فقط يعني مكان الخياطه فقط وحول المكينه بعد
وركبي الابره والخيط والمكوك وخيطي شوي بقطعه خام مو محتاجتها يعني جربي المكينه وبنفس الوقت تشيلين الزيت الزائد عن الحاجه


ان شاءالله واضح كلامي ؟

مشكورين على الرد بس انا ما اعرف اللي عندي موديل قديم او جديد انا شريتها من وحدة قبل كم يوم وهي لها عندها سنة
وما اعتقد انها تنفتح من فوق يعني اصب الزيت على نفس المكان اللي احط فيه القماش فوق المكوك ولا اصبه من داخل
دي صورة المكينة يليت تحددو بالظبط مكان التزييت

السلام عليكم

هذي المكينة تتزيت من كل مكان شوفي عند مكان ما تحطي القمماش يعني عند الابرة صبي من فوق ومن تحت وعلى يدك اليسار اللي كله فضي والمسمار اللي طالع لفوق وكمان عند تعبئة المكوك والعجلة على يدك اليمين ثم ارفعيها لفوق وزيتيها من تحت

مشكورين على المعلومه،،،

بس طريقة تزييت المكائن الجديده مثل (ياسمين ، وجونوما) ابغى الطريقه بالتفصيل،،،