تزيين صياني التقديم للقهوه او العصير او الحلوى

هلا والله ومرحبا

حياك الله أختي

وصلتي للمكان المنااااااسب

ملف أشغال يدوية : صواني التقــديم ... محتاجة تجديد

أذذكر أن هناك موضوع أخر ، سأبحث عنه وأضع لك الرابط

:)

ياهلا ..
أبقولك أقتراحاتي ولو أنها بسيطة.بس بتخلي الناس تطير عيونهم على الشكل وينسون الطعم:)

بالنسبة لصينية العصير..
1- إذا كانت كاسات العصير اللي بقاعدة فيه أوراق بيليسيه دائرية تثبت في قاعدة الكاس تعطي منظر للكاس .بشرط أنك ما تحطين مفرش على الصينية.إلا إذا كنت بتقدمين العصير بالكاسات العادية.
2-تحطين شريحة ليمون على كاس عصير الليمون سواءاً الكاس العادي أو اللي بقاعدة وشريحة برتقال على عصير البرتقال وكذا على بقية العصيرات الفراولة والتفاح ..إلخ وإذا كنت عجازة ممكن تشترين الزينات الخاصة بالكاسات .
3- تحطين في وسط الصينية بين الكاسات مزهرية صغييييرة وفيها وردة صغيرة بس ما تخلينها ضايعة بين الكاسات ..لا . ترتبين الكاسات بشكل مجموعتين على اليمين وعلى اليسار وبينهم المزهرية.
ويفضل أن يكون هناك تباين في ألوان العصيرات المختلفة.
**********************************************************

وبالنسبة لصينية القهوة والشاهي ..
بصراحة هذي الصينية اللي يحليها المواعين اللي عليها :)

صينية القهوة..
ممكن تقدمين التمر مثلاً بشكل مبتكر وغريب يعني تاخذين حبة أناناس وتحطينها في منسف خوص صغير
وبعدين تثبتين تمرة تمرة بأعواد أسنان( يفضل يكون التمر صلب شوي ..سكري مثلاً)على الأناناسة.بس أغرزي عود الأسنان على الأناناس بعدين ثبتي عليه التمرة...فهمتيني.
ألحين بتطلع الأناناسة كأنها نخله على المنسف حطي في المنسف رطب أو نوع ثاني من التمر أو معمول تمر ..إلخ.

صينية الشاهي..
إذا كانوا الناس كثير تسوين زي طريقة العصير يعني تصبين الشاهي والنعناع وغيره في البيالات وتوزعينها في الصينية وتحطين المزهرية الصغييييرة في الوسط .
وممكن تصفين البيالات كلها شاهي وجنبها على نفس الصينية صحون البيالات وتحطين صحن فيه أوراق نعناع غضة.
وصحن أو زي الكاس صغييييييييييير (يباع في محلات المواعين)يحط فيه ملاعق الشاهي اللي يكون مثبت فيها السكر.
وأكيد بيكون مع الشاهي فطائر ومعجنات حطيها في سلال القش على أوراق(زي أوراق لف السندوتشات) ملونة وفوقهاورقة ثانية سادة (يعني مثلاً تحطين ورقة مشجرة بأوراق شجر أخضر فاتح وتحطين فوقها ورقة بلون أخضر فاتح سادة )أوتحطين لون فاتح و تحته لون أغمق سادة.

ووووووو بس هذا اللي عندي.
وإن شاء الله أكون أفدتك .


أختك حلى

White_Lily...يا هلا فيك يا االغالية

وماشاء الله الأخت حلى أعطتنا أفكار حلوة وسهلة ...

وبالإضافة إلى رابط هموسة ...إليك هذا الرابط وإن شاء الله يعجبك ..

""تعالــــــــــوا نتفـنـن في التقديــــــــــــم""

ويا هلا فيك .:21:

هلا والله حلى

مشكورة على الإضافات الحلوة

عجبتني فكرة الأناناس ، شكلها بيطلع رااااااائع

تسلمين أختي

أم فررح

جعلي ما أفقدك من شررر يارب

هذا هو الموضوع إلي أدور عليه

الله يجزاك خير

يا هلا فيك أختي همسة
وأنا مثلك أعجبتني فكرة الأناناس يوم شفتها عند قريبتي
عاد أنا لطشت الفكرة وحطيتها بالرد:).




حلى