تزيين وترتيب جهاز العروس ....؟؟

ااب لعيونك

لا اله الا الله محمد رسول الله
الله يعينك
بس ما عندي اي خلفية والا
كان افدتك

يووه الله يعينك عالحوسه...
بقولك الي في بالي اللحين...
اشتري علاقه الملابس الي تجي بالمحلات الحديده الطويـــــــله حاولي تلاقي النوع القديم منها احلى من الجديد وعلقي فيها ملابسك الكشخه بس يعني حقت العزايم والخرجات وعلقي عباياتك كمان..
اكياس الفساتين الي تسألي عنها تلاقيها بمحلات الي تبيع ادوات منزليه وكذا..(مدري انت من وين ولا ادلك عالمحلات) بس راح تكلفك شوي..افضل خلي احد من اخوانك ولا ابوك يروح للكواي ويشتري من عنده لفة النايلون الي يلبس فيها الثياب بس اهم شي لايكون مكتوب عليها اسم المغسله خخخخخ...شفت وحده مسويتها مره حلوه..واشتري علاقات حلوه..
الجزم (اكرمكم الله) روحي بن داوود او الدانوب تلقين عنده العجله حقت الجزم اشتريها وحطي جزمك فيها..والشنط اشتري المنظمه حقت الشنط الي تتعلق بالدولاب بلاستيكيه ورتبي شنطك فيها..
شرارشف الصلاه اشتري 4مع سجاداتها لان ممكن تروحي بيتك تلقين اهل العريس جايبين..وحطيها بصندوق وخليه مفتوح وشرعيه..
قمصانك والشورتات والبلايز حقت البيت الخفيفه الي تحسي حتى ماتتعلق حطيها بصناديق طالعه جديده مرره حلوه اشتريت الطقم منها بـ180 في منها على شكل مربع وفي على شكل صندوق..تجي ملونه اللون الي تبغي بس مو خشب لا تحسيها مسويه بحبال مررررررره حلوه...
واشتري ارفف للحمام (اكرمك الله)) قزاز وجيبي السلال الي مبطنه من جوا ورتبي فيها مجموعاتك الي من بودي شوب ونكتار..الخ والصوابين كل اغراض الدلع فيها وزيني الارفف..
هذا الي ببالي اللحين اذا تذكرت شي ارجع اضيف..
واي سؤال انا حاضره..عالخاص ارسليلي..

حبوووبه تراه مره سهل

اشتري طقم سلات من بن داود تلاقيها راقيه والوانها حلوووة

ورتبي اغراض الحمام فيها

اشتري علب الي تجيك طقم مخمل وحطي فيها اغراضك

بانلسبه للعطور جيبي صندووق كبير وحطي العطور طبعا تفتحيها من الكرتوون وتزينها بشرائط وورد بسيط

الانجري افضل تربطي كل طقم بشريطه ناعمه وتترص بعلبه واهلك بعدين يرتبوها بدولابك

اشتري اكياس لفساتين السهره الي تتعلق

لا اله الا الله محمد رسول الله