تساؤلات حيرتني دشوا ولاترى بزعل

هلا أختي وعليكم السلام
ومبروك الشهر علينا وعليج وعلى جميع المسلمين ان شاء الله
بالنسبه لتساؤلات , اللي اعرفه ان ماء الورد ممتاز للبشره ويعتبر تونك طبيعي واو منشط طبيعي للبشره , انا صار لي مده استخدمه وما صار لي شي , وبالعكس التونك الطبيعي دايما احسن من الصناعي ,احيانا امسح فيه وجهي بعد الميك اب , وعندي غرشه صغيره شاريتها من البودي شوب ,المفروض نحط فيها عطر وحجمها صغير جدا ممكن ينحط في اي شنطه , المهم انا بدال ما استخدمها استخدامها الرئيسي أحط فيها ماء ورد ,وكلما تذكرت بخيت على ويهي شوي منه , تحسين بانتعاش فظيع ,خصوصا لوكنت حاطه في الثلاجه :27:


بالنسبه للسؤال الثاني , ما اعتقد ان النشاء يسبب ترهل الجلد , لانه ما يشده وايد اصلا , بس على فكره الاقنعه اللي فيها نشاء من احسن الاقنعه اللي استخدمتها ...

اتمنى أكون افدتج :27:

كلش ولا تزعلين عاد

أنا ماسمعت بهالكلام أبدا :11:,,,,,,,,, بالعكس ماء الورد زين للبشره وخصوصا بعد الحف :27:

اختي ماي الورد ممتاز للبشره حتى في صالونات التجميل يستخدمونه بعد الحف

اختي الغالية ماء الورد ممتاز حتي لو شربتيه مو استعمال خارجي بس يعني بالعربي رووووووووعة

حبيبتي

مافي شي طبيعي يضر بالعكس كل المنتجات الطبيعيه مفيده حق البشره

وماي الورد والنشا معروفين بفايدتهم الكبيره

صديقتي استخدمت ماي الورد ووجهها كان مليان حبوب

بس الحمدلله خف وايد عن قبل تقول كله بفضل ماي الورد

وسلامتكم

حلوة وأمورة