marmora @marmora

عضوة نشيطة

تساؤلات كيكيه

انا واااايد احب الكيكات

ودايما احب اسوي كيك ....احب اقعد اخلص المقادير و اخفقها و احطها في صحن الفرن ...و بسسس اسلمه للشغاله و هي تستلم الفرن

لكن الله يرحم ايام الشغالات ..الحينه صرت ربت بيت يعني صرت لازم اعتمد على نفسي و احط الكيكه في الفرن

سويت كيكتين ...الاولى كانت من المنتدى طبقات القرفه او طبقات الارض و الثانيه كيكه الحليب

لاحظت شي في كيكاتي

اول شي تطلع هش واييد و ليييينه يعني اذا حطيتي صبعت عليها تنزل و ترجع ..ما ادري فهمتوا كيف اقصد بهش و لييينه ((ما ادري اذا هذا شي طبيعي مع هذا النوعين من الكيكات))

و بعد ما تنفخ وااايد معاي ....مع اني اخفقها واااااايد بالخفاق ....
و اليوم سويت كيكت الحليب انتفخت في الفرت و صارت ماليه الصحن تقريبا بس يوم طلعتها بدت تفش و رجعت

و ما ادري ليش كل احس ان الكيكه ما تكون انطبخت من داخل ...ما ادري هذا عادي و لا بسبب الفرن الكهربائي ما يطلع الكيكه مثل فرن الغاز

تساولاتي

شو الشي الغلط الي اسويه و انا مب عارفه

و كيف اعرف ان الكيكه استوت من تحت و اني لازم ابدا افتح النار على الكيكه في فوق

و شو هي الدرجه الحراره المناسبه للكيكات

ووووو بعد عطوني من خبراتكم في الكيك شو الاشياء الى تساعد على نجاح الكيكات

بانتظاركم على احر من كيكاتي الفاشله
:27:

11K

يلزم عليك تسجيل الدخول أولًا لكتابة تعليق.

تسجيل دخول

marmora • 20 سنة

48 وحده لكن و لا وحده ردت

انزين حتى لو ما تعرفون على الاقل وحده تقول ما اعرف

الظاهر اني ببقى ااكل زوجي من هذي الكيكات الفاشله لين ما يمل ((كل مره يقول لي ليش الكيكه مب منفوخه ....يرضيكم جذي اطلع جدامه فاشله حتى الكيكه ما اضبطها.)):06:

خاطري في كيكه شكلها يفتح النفس

ليش الكيكات تنتفخ بالفرن لكن لما اطلعها ترجع مثل ما كانت

بلييييييييييييييييييييز ردوووو علييييه لا تطنشوني

و الله الحقران يقطع المصران ...و انا مصراني تقطعت

:06::06::06:

LUMEE • 20 سنة

هلا marmora

لا تزعلين صد قيني لو كانو البنات يعرفون ردو عليك على طول

أقولك خبرتي البسيظة في الكيك :

(1)- درجة حرارة الفرن متوسطة .

(2)- لايفتح باب الفرن إلا بعد الموعد المحدد للكيكة أو على الآقل لاتكثري من فتحه .

(3)- لمعرفة نضوج الكيكة :تبطين الكيكة من الوسط بسكين أو شوكة , إذا كانت رطبة أو

عالق بها شيء من العجين فهي غير مستوية .

وإذا كانت السكين يابسة ليس بها أي شيء فا مبروك كيكتك ناضجة وبالعافية .

ألوفه • 20 سنة

السلام عليكم

اختى الغاليه لا تزعلين

ولا تشيلين هم

انا كنت مثلج والحين ولله الحمد ما يفرقون كيكى من الجاهز

والوصفات كلها من المنتدى او من كتب المطاحن الكويتيه

بس امشى على المقادير ولا تغيرين شىء

وابدى بكيكات الغاليه بيان ما شاء الله عليها

كل كيكها يطلع نافش وطرى والطعم يجنن

وانصحك باستعمال الصينيه المجوفه بالنص لان الكيك يظبط فيها

على فكره انا اسخن الفرن اول وبعدين ما استعمل الرف العلوى نهائى

واقصر النار على الآخر وما افتح الفرن الا بعد ساعه:26: :26:

لو سمحتى سؤال:

هل جربتى الطباخ الكهربائى فى الطبخ ام لا لانى سمعت ان حرارته بسيطه مونفس عيون الغاز اقصد الطباخ

العادى لانى ناويه اشترى طباخ كهربائى

وآسفه على الاطاله:cook:

دلوعه2 • 20 سنة

أنا اللي اعرفه ان لما تكون الكيكه نافخه بالفرن ولما تطلعيها تفش أن الفرن مب مسخن عدل
وبصراحه أنا فاشله بالكيك بس مطلعه من كم منتدى منهم منتدانى نصائح للكيك وااااايد ويمكن حتى متشابه بس ما قريته للحين
واذا تبغين برتبه وبنزله لج :26:

اجا الليل • 20 سنة

marmora
شوفي ياعمررري انا ولله الحمد دايم تنجح معاي الكيكات
وراح اقوللك على هالكيكتين بالذااات لانها تختلف عن الكيك العادي

1- كيكة الطبقات بالقرفه
الطبقه الاولى اخليها بالفرن على نارهادئه لمدة7قائق وكذللك الطبقه الثانيه اما
بقيه الطبقات تنضج اسرع
و اذاتنهيت من عمل الطبقات اتركها بالفرن على نارهاااااااادئه اوحرارة الفرن
بس وتطلع تماااام وانشالله تظبط معك

اما بالنسبه لكيكة الحليب بالنسبه لي مااخليها تطول بالفرن
مثل باقي انواع الكيكات لانه يستوي بسرعه وخليه شوي بس لايطول
بحرارة الفرن وراح يطلع لك اوكي