تساؤل

الحلوه المزيونه💕 :

انت نظرتي للزواج من جانب واحد وحكمتي عليه من خلال تصفحك لقسم مشاكل الازواج يعني لو انا باتصفح منتدى يتكلم عن العاطلين عن العمل ومعاناتهم في تحصيل الوظيفه واقعد كل يوم اقرأ كلامهم ومواضيعهم اللي تدور على نفس الموضوع راح اخذ فكره انه كل البشر عاطلين عن العمل بالرغم من اني شايفه كثير متوظفين بس خلاص عقلي تشبع بالفكره وهذا حال اللي تتصفح قسم الاسريه وتقرأ المشاكل اللي فيه اصابعك ماهي سوا مثل مافيه بيوت اساسها المشاكل والخلافات فيه بيوت قائمه على الحب والتفاهم والموده فيه رجال ينشد بهم الظهر ويخافوا الله في زوجاتهم وفيه رجال مايقدر عليه غير ربك وفي النهايه سواء كان الزوج طيب او بطال الحذر معاهم واجب لانه ليه نقول مالهم امان لانه اذا طيب فالشرع محلل له اربع وممكن اي يوم يجيك بيتزوج بالحلال واحيانا فيه سبب واحيانا لا مجرد انه شي حلال ومو حرام او ممنوع ولو كان بطال وشبه رجال تلاقيه يلعب بذيله وماهو مسيب حرمه في حالها لهالسبب تكوني انت عامله احتياطك ومتوقعه اي شي منهم مو تبني كل امالك واحلامك على زوج واللي تتزوج تلغي شخصيتها وتذوب في شخصية زوجها هذا اكبر غلط لو كل وحده اعتبرت الرجل مجرد اضافه لحياتها بدل مايصير محور حياتها كان خفت كثير من المشاكل

انت نظرتي للزواج من جانب واحد وحكمتي عليه من خلال تصفحك لقسم مشاكل الازواج يعني لو انا باتصفح...

عواطف تركي :

احنا في مجتمع ظالم والنساء هم اللي ساهمو في ظلم انفسهم وبنات جنسهم ينطبق عليهم المقوله : لو أمطرت السماء حرية لرأيت بعض العبيد يحملون المظلات !! نساء مجتمعنا مايقدرون يعيشون احرار ، مايحسون بالراحه الا اذا كسر راسهم ذكر وتلقين الوحده فيهم مبسوطه مستانسه تعلم الناس بخيبتها ان زوجها حارمها من كل شي لدرجة ان الذكور في مجتمعنا اغلبهم يعتبرون اهانة المرأه وتكسير راسها وتكميم فمها وضربها وحرمانها من ابسط حقوقها شي واجب !! ومين اللي يدفع ثمن كل هذي التصرفات ؟ القلة النادره من النساء الاحرار اللي تربوا على الكرامه والعزة واللي تربوا ان لهم وجود وكيان وصوت مسموع ولازم يحترم . ثم نجي نستغرب ليش في ازواج واخوان داعسين على النساء واكلين حقهم ؟ ببساطه احنا اللي سمحنا لهم ووافقنا وقبلنا نكون ناقصات وقاصرات لو كنا مثل غيرنا مانسمح بالغلط ولا نتنازل عن حقوقنا كان مافي ابن امه يقدر يدعس لنا على طرف .

احنا في مجتمع ظالم والنساء هم اللي ساهمو في ظلم انفسهم وبنات جنسهم ينطبق عليهم المقوله : لو...