تساقط الشعر

وعليكم السلام ورحمة الله وبركاته

أنا زيك وشعري دهني وألقى شعري طايح بكل مكان يوم عدلت أكلي خف التساقط الحمد لله وما صرت أشوف إلا 10 شعرات باليوم بس من زود اللقافه خربت النتايج وصرت أحط خلطات عشان اكثفه لحد ما رجع شعري يتساقط زياده !

شوفي هذا النظام امشي على الفيتامينات اللي فيه ودوري أي وجبه تحتوي على هذه الفوائد، وعليك بالحلبه لو ما تحبينها حطي منها ولو كمشه بين أصابعك مع الشاي اﻷخضر واشربيه كشاهي، أنا كنت مداومه على الحلبه بس مع الحليب خف التساقط لدرجه افتقد شعري بالمخده ههههه بس الريحه تحمليها وإذا ما قدرتي عندك هذه القائمه امشي عليه، اتذكر لما كنت بالمتوسط قالت لنا استاذتنا الله يذكرها بالخير إن شعرها طاح بالهبل وقعدت تاكل بنفسها من القلق عليه وما خلت خلطه إلا وحطتها المهم قررت هي إن الحل في اﻷكل وتنسى شعرها لحد ما تحسن وفعلاً شعرها كان صحي وما فيه إلا العافيه يوم تكلمنا عنه ! أنا نسيت كلامها بذاك الوقت ثم دخلت الجامعه وعدمته بالفير والسشوار وكريمات الشركات حقت التصفيف لحد ما تخرجت وشعري محترق وقليل الله يعوض علي، فعليك باﻷكل ثم اﻷكل وقللي السكر واﻷفضل تشيلينها من أكلك لحد ما تخلصين برنامجك للعناية بشعرك ﻷنه يخرب على الفيتامينات حسب ما سمعت ويتلف خلايا البشره ﻷنه يكوّن خلايا جديده تمتص الكولاجين من الجسم والله اعلم.


♠ يتكون الشعر من أربع معادن أساسية:
سليكون، كبريت، حديد، منجنيز، لذا يجب الاهتمام بهذه العناصر الأربع لتغذية الشعر ليبدو بمظهر صحي وجميل


♠ اﻷطعمة الضرورية:
الجزر: أكله يقوي الشعر وشرب عصيره كذلك.
الكبريت: في البصل والكوي والخيار والفجل والثوم حيث يحتوي على ثلاث أحماض كبريتية، ﻷنه من مكونات الشعر ويحافظ على جماله.
الحديد : يوجد بوفرة فى السبانخ والكبد، ياميش رمضان ، شوفان و التفاح .
المنجنيز : ثمرة الأفوكادو حيث تحتوي أيضاً على كمية كبيرة من البروتين.
البروتين: اللحوم والدجاج والسمك والبيض والحليب والجبن والزبادي وفول الصويا والحبوب.




♠ الأطعمة المحظورة:
الأطعمة الحريفة بوجه عام ، والتوابل والبهارات ، والشيكولاتة ، وكذلك المشروبات الساخنة جداً، ﻷنها تزيد الدهون في الشعر الدهني.

الله يعطيك العافيه وتسلمين ماقصرتي..♥.

الله يعطيك ع قد نيتك ويفتح لك ابواب الخير من كل مكان ويحقق مبتغاك..

في حبوب اوميقا3 حلوة وبالتحديد حبوب seven seas اضيفيها للجدول اللي عطتك اياه الاخت وكمان سوي تحليل لفيتامين D وقدامك العافيه واتمنى لك شعرا طويلا وكثيفا-_-

لحظه باﻻول وش السبب اللي خلى شعرك يتساقط؟

مادرى والله فجئه كذا..

انا بنتي عمرها 5 شهور الله يحفظها بس مارضعتها الا اول 3 شهور بس