بدخل في الموضوع بدون مقدمات
انا لما كنت نفاس ببنتي الله يحفظها بدأ شعري يتساقط بشكل مو طبيعي بالذات في المنطقة الأمامية من الرأس, وربي من بعد ما كان شعري كثيف و يلمع صار باهت و متساقط, لااااا و قرعة من قدام هههههههه
المهم تميت سنتين احاول فيه, استخدمت زيت أملا و زيت الخروع و بلاوي اكثر, ما نفع شي, قمت افرقه من الجنب لمدة اسبوع, و الاسبوع يلي بعده افرقه من الجنب الثاني ههههههه مشروع حفر أبار :icon29: بس ولا شي فاااد
لين ما تزوج أخوي الكبير الله يبارك لهم :icon28: , والحمدلله تزوج من وحدة تحب تهتم بشعرها و سوالف الحريم هذي من مكياج و بديكير و مينيكير الله يسعدها ههههههههه طبعا أنا مقارنة فيها أعتبر بكامل رجولتي
المهم, مرة أخوي شافت قرعتي يلي حاولت اخبيها بكل الطرق, و قالت لي الحل عندها بإذن الله
جابت لي زيت شعر ما عمر أمي شفته من قبل, بس مادري من وين جابته, قالت تلاقينه بمحلات الهنود او مركز اللؤلؤ.. و قالت لي ألتزم فيه و أستمر عليه
و الحمدلله صارلي شهر استعمله, اغسل شعري مرتين بالأسبوع, الليلة قبل ما أغسله أدهن شعري فيه زييييين و أدلك الفروة يمين يسار يمين يسار, بعدين ألفه كله كورة و أنام, من يصبح الصبح أقوم و على طوووول أغسله زين بشامبو ثم بلسم ثم أحط عليه نقطتين من نفس الزيت و أسرح شعري و اخليه يجف طبيعي,, لازم اريحه من السشوار لانه يعدم الشعر
والحمدلله ماشاءالله تبارك الله صار شعري فيه حيوية و يلمع و تسريحة جدا سهل سبحان الله كاني مستشورة شعري
و الحين بنتي عمرها سنتين و استخدمه لشعرها بس عالخفيف يعني مرة بالأسبوع و ماشاءالله شعرها تحسن مررررة تبارك الله
حبيت افيدكم و احط لكم صورة هالزيت
و ربي يسعدها مرة اخوي وربي عطتني امل اني أكمل حياتي بدون باروكة :35: ههههههه تحياتي
مركز تحميل الصور
انا مررره تعقدت من شعري بسأل عنه ان شاءالله القاه
الله يسعدك انتي وزوجة أخوك