تساقط شديد في شعري والشعره تنقطع بسهولة بعد البروتين

بسم الله الرحمن الرحيم

السلام عليكم ورحمة الله وبركاته
اخواتي

عندي كسل في الغدة الدرقية
ونقص شديد في فيتامين د
وتكيس خفيف
وكان شعري يتساقط وناعم لكنه تالف نافش والشعرة متوسطة القوة لا ضعيفه مره ولا قويه متماسكة
كان عندنا زواج والكوافيرا عرضت علي أسوي علاج لشعري ب500 ريال تقول مسويين خصم وأنصحك تسوينه
سويت العلاج (رفضت تعلمني اسمه أو أشوف شكله قالت لي انا خبيرة وما احب أحد يعرف أسراري)
بعد ما سويت العلاج بيوم وقف التساقط تماما لكن الشعر كأن عليه شحم أو سمن ومفرود مره كأنه شعر شرق أسيوي حتى أطرافه كانها سيوف. وقالت لي لازم تشترين من عندنا شامبو وبلسم نعبيه لك ب250 ريال

ماتبي تعطيني العبوه الاصليه بحجة انه مو من حق الزبونه تشكك في خبرتها ومصداقيتها
المهم وقف التساقط اسبوع وصرت أستخدم الشامبوا العادي فاتيكا لاني ما شريت منها

بعد الاسبوع بدأ شعري ينفش من منتصف الشعر يعني مقدمة الشعر لامع وحلو
وبدأ يتساقط مرررررررررره أضعاف التساقط اللي قبل العلاج والشعره محروقة يعني لو أقطع منديل أقوى من أني أقطع شعره . نفس الشعره صارت طويله بزيادة وخفيفه جدا

شعري كله طاح باقي القليل ايش أسوي كيف أتخلص من العلاج هذا
وانا شعري طويل أقصه أفضل أو كيف أعالجه أخاف أصلع مره
اللي مرت بتجربتي تفيدني سواء على الخاص أو العام.
الحين الشعر مره خفيف أخاف لا قصيته للكتف أو للاذن يستمر التساقط وما استفيد شي
فيدوني أخواتي.