تساقط شعري امفشلني ( لا تنقلوني سالفة اسرية)

بنات تصدقون اني لما اصبغ شعري او اقصه ...ربع زوجي يدرون

فشله وقصة وجه خاصة اذا الوحدة ملتزمة وعارفه حدودها

مرة جا زوجي من الديوانية...سألته محد قال لك شي ؟؟؟قال ليش

قلت لانه في شعرة طويله متعلقه ورا قترتك كأنها عقال قطري

ومرة طلع موبايله من مخبات دشداشته اطلعت معاه شعرة طوييلة شقرة بعد

ومرة بدجانية ومرة ثلجية وحمرة وزيتية بعد

اخاف يوم يقول واحد من ربعه لزوجته ليش ماتصبغين مثل مرت فلان (انا )

مشكلتي اني احب الصبغ... ..احيانا كل شهر واحيانا اكثر من مرة بالشهر

وشعري له عقلية رجل.....( اشوه مو عقلية مرة)

حشمني وسكت...حشمني وتحمل...حشمني وصبر وصبر وصبر

لين وصل حده وانفجر لاني بصراحة مو كفو حشيمة

ومازلت اصبغ.... ومازال يتساقط

ومازلت ابرش غرفتي يوم وترك

وما دري منو اللي لازم يعقل انا والا شعري

الله يهدي الجميع