تسببت في مشكلة وماعرفت احلها

السلام عليكم ورحمة الله وبركاته


انا تسببت في مشكلة لنفسي اولا ولزوجي ثانيا وحاولت احلها لكن احس انها تأزمت او ماني عارفة كيف احلها


انا تزوجت من ثلاث سنين وزوجي من يوم تزوجته قليل يجلس دائما يابرى البيت ياعنده ضيف يامسافر وكان يجلس العصرية يتقهوى او بعد المغرب

الحين يااخواتي ماعاد يجلس لاعصر ولامغرب وبس طاير بهالدنيا ولاعاتبناه يقول شغل او معزوم او خلافه

وصراحة العلاقة الزوجية بينا ماهي كثيرة من يوم انا عروس ماتتعدا ثلاث مرات بالاسبوع لكن في الفترة الاخيرة صارت قليلة مرة احيانا يعدي اسبوع كامل مافيه ولو انا تدلعت وتزينت يطنش ويسوي نفسه ماشاف شي او يطلع من البيت عقدني

انا كل هذا حز في نفسي وحاولت اني الفت نظره للموضوع ابيه يجلس معي يسولف معي يشوف انا وش مضايقني وش مكدرني بدون فايدة حاولت ابتعد عنه ومااخليه يلمسني وكل ماقرب مني اسوي نفسي بنام او متضايقة او اي شيء

لكن ماني عارفة كيف اقوله وكيف افتح معه الموضوع رغم انه طيب ومايقصر معي بس ماني عارفة الطريقة الي اقوله فيها انا محتاجة لجلستك معي لحنانك لعطفك لسوالفك

على فكرة انا لما اجي اتكلم معه او احاوره مااقدر تخنقني العبرة او استحي احيانا

احس كلامي مو منظم لكن اعذروني