حيا الله كل ورده دخلت موضوعي الله لايخلينا منكم
اليوم حبيت انزل لكم طريقه حلوه للحم الحاشي
بجد روعه وتواجه في العزايم
واخليكم مع الطريقه بالخطوات المصوره
اول شي اطبخي اللحم عادي لما تغلي المويه
تبليه بالبهارات العدله هيل ودارسين ومسمار
وورق غار وليمون اسود
وماجي ابيض وملح وكركم
وضيفي له حلقات بصل وطماطم وفلفل اخضر
ولما تغلي سوا ضيفي لها اللحم وخليه يطبخ بهالشكل
ولمايستوي اللحم طبعا انا اخليه في الكاتم ساعه
او ساعه الا ربع لاني احبه ذايب مره يالله اقدر اشيله
الحين طلعيه في صينيه بهالشكل
ونبدا نجهز التتبيله : بصل مقطع صغار ومكشن في شوي زيت
بعدين ضيفي له معجون طماطم وقلبيه شوي وبعدين ضيفي
طماطم مبشور او مقطع صغير ولما يذبل الطماطم
تبليه بملح وفلفل اسود وكمون وهيل ناعم وليمون اسود مطحون
وذرة سكر وطفي النار واعصري عليها شوي ليمون
وهذا شكل التسبيكه
ادهني التسبيكه على اللحم من الجهتين بهالشكل
وبعدين دخليها الفرن من فوق بس تتشقر واقلبيها من الجهتين
وقدميها فوق الرز والكشنه ورشي فوقهامكرونه طويله مسلوقه
بمويه بس ولما تستوي حطي عليها ملعقه من التسبيكه
ورشيها فوق اللحم بهالشكل
وصوره اقرب للتعذيب
وممكن تقدمين معها ايدام الخضار
وبالف صحه وعافيه على قلوبكم
اتمنى تعجبكم وتقررون تجربونها
والقادم احلى واحلى باذن الله
:39:
خلينا نسويها لبو الشباب توه امس جايب للحم حاشي