تستخدمين تونر لبشرتك تعالي يقولك سري

مساء الخير بنات. بقولكم سر نظافة بشرتي و ترطيبها الواضح. انا اهتم بنظافة بشرتي و الكل يسالني و بقولكم السر. تري لا يبيض ولا بقص و اقول بيخليكي قشطه. بس بيحافظ علي وجهك نظيف من البثور و تصلح لكل انواع البشره. قارورة اسكينول او التونر المقشر مال كلينيك انا استخدم الونه وردي علي بنفسجي لا بشرتي عاديه بس في الصيف تصير دهنيه. المهم قاروره منه و كاسه جلسرين الشفاف و كاسة ماء ورد. تخلطيهكم في قاروره و بتشوفين كيف الجلسرين بيذوب في الاسكينول يوم ترجينها و تستخدميه بالقطنه بعد مت اغسلين وجهك و تسوين بعدها خطواتك المعتاده. الجلسرين يرطب و عشان مخلوط مع التونر الاسكينول ما بيسد المسام ولا يسبب بثور و ماء الورد منعش للبشره. نفس الخلطه كنت قبل زواجي استخدمها لجسمي بس سويتها بكميات كبيره و كنت ازيد عليها زيت اللوز. كنت ابلل بها فوطه بيضا صغيره و افرك جسمي كله و ما ابي اقولكم النعومه و الترطيب و الفوطه تصير بنيه و لو تبين توحدين لون جسمك ضيفي عليها ليمون بس لازم مع الليمون تحطينها في الثلاجه لانها تخيس من الليمون. لا تحطينها بالليمون علي وجهك. لو ركبك و اكواعك غامقه امسحيها بليمون قبل الحمام و ادعكيا بالخلطه هذه بفوطه و رطبيها و بتدعيلي