تستدعي تطلب الطلاق ؟!

هذه مشكلة قريبة لي وانا قلت لها راح انزل المشكلة ونشوف اراء البنات زوجي ابوه متوفي ومن ورثه اشتراء له بيت صغير وسكن فيه هو وامه وخواته ثلاث كبار وبعد فترة توفت الام وبقيو البنات مع اخوهم بعدين خطبني زوجي وتزوجت وماكنت ادري انهم راح يسكنوا معاي كنت اعتقد ان لي شقة لوحدي وهم شقة بجنبنا وانا شرطت بيت مستقل وهم ماقالوا لنا المهم تزوجت وتفاجات ان مالي الا غرفة بحمام وباقي البيت مشترك وماحكي لكم عن المعناه خصوصا الطبخ كل شي علي رغم انهم اكبر مني واكبر من زوجي بالثلاثين اعمارهم ومايساعدون بشي ابدا وكم مره سمعتهم يحرضون زوجي علي واذا اشتريت اشياء تختفي من المطبخ يحطوها بغرفتهم واذا سالتهم فين الاغراض يقولو خلصت ويدخلو غرفتي بغيابي هذا غير لما يجونا خواتهم المتزوجات ينفسون عندي عشان يساعدوهم وازعاج وقروشه واولادهم مش متادبين ويوسخو وماحد ينظف بعدهم وانا ابغى اخرج واسافر مع زوجي لوحدنا لاني مااخذ راحتي طول الخرجة يصوروا حتى الاكل وكم مره التفت اشوفهم رافعين الجوال يصوروني ويقولو لزوجي انت احلى منها تحمد ربها تزوجتها وهي قصيرة وسمراء ماتحصل مثلك واستفزازات وحركات حريم قدام ومن وراء زوجي حطموني ياربي انا وش ذنبي لاتهنيت ببيت زي كل المتزوجات ولا بلبس حتى بالبيت ارواب مثلهم لان زوجي مايرضى البس على كيفي قدامهم ولا تهنيت بمطاعم ولا كوفيهات الا لازم يخرجو معانا كلمت زوجي يبني فوق ويسكنو على الاقل اخذ راحتي بلبسي واطبخ على كيفي محد يراقبني بس قال ماعندي فلوس ابني وقلت يروحو كل فترة عن اخوانهم المتزوجين وقال صعبة مااقدر اكلمهم تنفهم طرده قلت طيب استاجر لي شقة صغيرة جنبهم قال اترك بيتي ملك واروح استأجر قلت سوي لي مطبخ صغير على قدي قال مافي مساحة طيب لو كان كويسين معاي كان الوضع بيكون احسن لكن اذا قلت ساعدوني نظفو بعدكم يقولو بيتك انتي نظفيه مليت وزهقت منهم حتى ولدي يضربوه انا ابغى احس براحة في بيتي واستقلاليه يعني الواحد اذا مارتاح في بيته فين يرتاح صرت اروح اجلس عندي اهلي بالايام هروب من مشاكلهم ايش رايكم يابنات يستدعي اطلب الطلاق وافتك الواحد كم مره بيعيش رجاء يابنات بدون تجريح اللي فيني مكفيني عطوني ارائكم